തൊടുപുഴ: തൊടുപുഴ മര്‍ച്ചന്റ്‌സ് അസോസിയേഷന്റെ ആഭിമുഖ്യത്തില്‍ മഴക്കാല ദുരിതാശ്വാസ 'ഭക്ഷ്യസാധന കിറ്റ് വിതരണം വ്യാപാര ഭവനില്‍ നടന്നു. മുനിസിപ്പല്‍ ചെയര്‍പേഴ്‌സണ്‍ സഫിയ ജബ്ബാര്‍ വിതരണോദ്ഘാടനം നിര്‍വഹിച്ചു. മര്‍ച്ചന്റ്‌സ് അസോസിയേഷന്‍ പ്രസിഡന്റ് വേണു ഇഎപി അധ്യക്ഷനായി. ചടങ്ങില്‍ നഗരത്തിലെ പ്ലാസ്റ്റിക് കുപ്പി മാലിന്യം തടയുവാന്‍ വേണ്ടി തൊടുപുഴയില്‍ പലയിടത്തായി സ്ഥാപിക്കുവാനുള്ള വെയ്സ്റ്റ് ബാസ്‌ക്കറ്റുകള്‍ മര്‍ച്ചന്റ്‌സ് അസോസിയേഷന്‍ നഗരസഭയ്ക്ക് കൈമാറി. . മുനിസിപ്പല്‍ വൈസ് ചെയര്‍മാന്‍ ടി കെ സുധാകരന്‍, കൗണ്‍സിലര്‍മാരായ ബിന്‍സി അലി, അനില്‍കുമാര്‍, മര്‍ച്ചന്റ് അസോസിയേഷന്‍ സെക്രട്ടറി ജോസ് എവര്‍ഷൈന്‍, ട്രഷറര്‍ സുബൈര്‍ എസ് മുഹമ്മദ് എന്നിവര്‍ സംസാരിച്ചു.