പട്ടിക്കാട്: പട്ടിക്കാട് ചുങ്കം ജങ്ഷനില്‍ ഓടിക്കൊണ്ടിരിക്കുന്ന ഓട്ടോയില്‍നിന്നു പുക ഉയര്‍ന്നതു പരിഭ്രാന്തി പരത്തി. ഡ്രൈവര്‍ ഉള്‍പ്പെടെയുള്ള യാത്രക്കാര്‍ ഇറങ്ങിയോടി. പട്ടിക്കാട് ജാമിഅഃ നൂരിയ്യഃ അറബിക് കോളജിനു മുന്‍വശം ഇന്നലെ വൈകിട്ട് 5.20ഓടെയായിരുന്നു സംഭവം. പെരിന്തല്‍മണ്ണ ഭാഗത്തുനിന്നു വരികയായിരുന്ന ഓട്ടോയില്‍നിന്നാണ് പുക ഉയര്‍ന്നത്. 20 മിനിറ്റോളം പുക ഉയര്‍ന്നു. പ്രദേശത്തെ ഓട്ടോ ഡ്രൈവര്‍മാരുടെയും വര്‍ക്‌ഷോപ് ജീവനക്കാരുടെയും അവസരോചിത ഇടപെടലാണ് രംഗം ശാന്തമാക്കിയത്.