പെരിന്തല്‍മണ്ണ: നഗരസഭയില്‍ പാഴ് വസ്തു ശേഖരിക്കുന്നവരെയും പാഴ്‌വസ്തു വ്യാപാരികളെയും ആദരിച്ചു. നഗരത്തില്‍ വര്‍ഷങ്ങളായി പാഴ് വസ്തു വ്യാപാരം നടത്തുന്ന 15 പേരും തെരുവില്‍ നിന്നും പാഴ് വസ്തു ശേഖരിക്കുന്ന 12 പേരുമടക്കം 27 പേരെയാണ് നഗരസഭ ആദരിച്ചത്.
പാഴ് വസ്തു വ്യാപാരികള്‍ക്കും ശേഖരിക്കുന്നവര്‍ക്കും നഗരസഭയുടെ ഐഡന്റി കാര്‍ഡും ഷീല്‍ഡും ചെയര്‍മാന്‍ എം.മുഹമ്മദ് സലീം കൈമാറി. ആരോഗ്യ സ്ഥിരം സമിതി ചെയര്‍മാന്‍ പത്തത്ത് ആരിഫ് അധ്യക്ഷനായി.