കണ്ണൂര്‍: കൈത്തറിയെ പഴയകാല പ്രതാപത്തിലേക്കു തിരിച്ചെത്തിക്കുകയാണു സര്‍ക്കാരിന്റെ ലക്ഷ്യമെന്നു മന്ത്രി ഇ.പി ജയരാജന്‍.
ടെക്‌സ്‌റ്റൈല്‍ വസ്ത്രനിര്‍മാണ മേഖലകളില്‍ തൊഴിലവസരങ്ങള്‍ സൃഷ്ടിക്കല്‍ എന്ന വിഷയത്തില്‍ ആസൂത്രണ ബോര്‍ഡും പബ്ലിക് സെക്ടര്‍ റീസ്ട്രക്ച്ചറിങ് ആന്‍ഡ് ഇന്റേണല്‍ ഓഡിറ്റ് ബോര്‍ഡും (റിയാബ്) ചേര്‍ന്നു നടത്തിയ ശില്‍പശാല ഉദ്ഘാടനം ചെയ്യുകയായിരുന്നു അദ്ദേഹം. പൊതു സ്വകാര്യ മേഖലകളിലുള്ള കൈത്തറി, സ്പിന്നിങ് മില്‍ വ്യവസായങ്ങളെ ശക്തിപ്പെടുത്താനുള്ള പദ്ധതികളാണ് സര്‍ക്കാര്‍ നടപ്പിലാക്കുന്നത്. കേരളത്തിലെ വ്യവസായങ്ങള്‍ക്കാവശ്യമായ അസംസ്‌കൃത വസ്തുക്കള്‍ ചുരുങ്ങിയ ചെലവില്‍ വിദേശ രാജ്യങ്ങളില്‍ നിന്നുള്‍പ്പടെ എത്തിക്കുന്നതിനുള്ള നടപടികളും ആരംഭിച്ചിട്ടുണ്ട്. മേഖലയെ ശക്തിപ്പെടുത്തുന്നതിന് ആഭ്യന്തരവിദേശ വിപണികള്‍ കണ്ടെത്തേണ്ടതുണ്ടെന്നും മന്ത്രി പറഞ്ഞു. ജയന്‍ ജോസ് തോമസ്, എം. പ്രകാശന്‍, എന്‍. ശശിധരന്‍ നായര്‍, കെ. സുധീര്‍, എം.ഗണേശ്, എന്‍. ശ്രീധന്യന്‍, പ്രൊഫ. ടി. അഭിലാഷ് ബാലന്‍, എസ.് കൃഷ്ണകുമാര്‍, സി. ജയചന്ദ്രന്‍ വിവിധ വിഷയങ്ങളെ കുറിച്ച് സംസാരിച്ചു.