പല്‍മിറ: റഷ്യന്‍ സൈന്യത്തിന്റെ പിന്തുണയോടെ സിറിയയിലെ പൗരാണിക നഗരമായ പല്‍മിറ സിറിയന്‍ സൈന്യം ഐ.എസില്‍ നിന്ന് തിരിച്ചുപിടിച്ചു. ലോക പൈതൃക പട്ടികയില്‍ ഇടംനേടിയ പ്രദേശമാണിത്. 2016 ഏപ്രിലില്‍ സൈന്യം ഐ.എസില്‍ നിന്ന് പ്രദേശം തിരിച്ചുപിടിച്ചെങ്കിലും വീണ്ടും ഐ.എസ് കൈയടക്കുകയായിരുന്നു. റഷ്യന്‍ യുദ്ധവിമാനങ്ങളുടെ ആക്രമണത്തിന്റെ സഹായത്തോടെയാണ് പ്രദേശം പിടിക്കാനായതെന്ന് സിറിയന്‍ സൈന്യം അറിയിച്ചു. കുഴിബോംബുകള്‍ നീക്കം ചെയ്താണ് നഗരത്തിലേക്ക് സൈന്യം പ്രവേശിച്ചത്. ഐ.എസ് നഗരത്തിന്റെ കിഴക്കേ മേഖലയിലേക്ക് രക്ഷപ്പെട്ടുവെന്ന് സിറിയന്‍ ഒബ്‌സര്‍വേറ്ററി അറിയിച്ചു. ആയിരത്തിലേറെ വര്‍ഷം പഴക്കമുള്ള കൊത്തുപണികളും നിര്‍മിതികളും ഐ.എസ് തകര്‍ത്തിരുന്നു.