പെരുമ്പാവൂര്‍: യൂത്ത് കോണ്‍ഗ്രസ് നിയോജക മണ്ഡലം കമ്മറ്റിയുടെ ആഭിമുഖ്യത്തില്‍ സുജലം പദ്ധതിക്ക് നാളെ തുടക്കം കുറിക്കും. ജലസംരക്ഷണത്തിന് യുവത്വം എന്നതാണ് യൂത്ത് കോണ്‍ഗ്രസ് ഉയര്‍ത്തുന്ന മുദ്രാവാക്യം. പെരുമ്പാവൂര്‍ നിയോജക മണ്ഡലത്തിലെ ശുദ്ധജല സംഭരണികള്‍ സംരക്ഷിക്കുക എന്നതാണ് പദ്ധതിയുടെ ആദ്യഘട്ടലക്ഷം. പദ്ധതിയുടെ ലോഗോ പ്രകാശനം യൂത്ത് കോണ്‍ഗ്രസ് സംസ്ഥാന ജന.സെക്രട്ടറി അഡ്വ. ടി.ജി സുനില്‍ കുമാര്‍ നിര്‍വ്വഹിച്ചു. മണ്ഡലം പ്രസിഡന്റ് പോള്‍ പാത്തിക്കല്‍ അധ്യക്ഷത വഹിച്ചു.
വൈസ് പ്രസിഡന്റ് അബ്ദുല്‍ നിസാര്‍, പാര്‍ലമെന്റ് സെക്രട്ടറിമാരായ ജോജി ജേക്കബ്, ഷിജോ വര്‍ഗ്ഗീസ്, ഷാജി കുന്നത്താന്‍, മണ്ഡലം പ്രസിഡന്റുമാരായ ചെറിയാന്‍ ജോര്‍ജ്ജ്, ഷിഹാബ് പള്ളിക്കല്‍, കമല്‍ ശശി, സന്തോഷ്.സി.മത്തായി, ജിബിന്‍ ജോണി, കുര്യന്‍ പോള്‍ എന്നിവര്‍ സംസാരിച്ചു.