നെടുങ്കണ്ടം: ഉണക്കാനിട്ട കുരുമുളകും കാപ്പിക്കുരുവും മോഷ്ടിച്ച യുവാവ് പിടിയിലായി. കല്ലാര്‍ ദേവഗിരി പാറക്കുഴിയില്‍ മഹേഷ് (27) ആണ് അറസ്റ്റിലായത്.
ഫെബ്രുവരി അഞ്ചിനും 28നുമിടയിലുള്ള ദിവസങ്ങളിലാണ് മോഷണം നടത്തിയതെന്ന് നെടുങ്കണ്ടം പൊലിസ് അറിയിച്ചു. ദേവഗിരി ആലടിയില്‍ അനുമോദിന്റെ 40 കിലോ കാപ്പിക്കുരുവും ഭാഗികമായി ഉണങ്ങിയ 80 കിലോ കുരുമുളകുമാണ് മോഷ്ടിച്ചത്. 30000 രൂപ വിലവരുന്ന ഉല്‍പന്നങ്ങളാണു മഹേഷ് കവര്‍ന്നത്.
നെടുങ്കണ്ടം സി.ഐ റെജി കുന്നിപ്പറമ്പന്‍, പ്രിന്‍സിപ്പല്‍ എസ്.ഐ പി.ടി ബിജോയി, എസ്.ഐ പി.കെ ആസാദ്, എ.എസ്.ഐ ജയ്‌സ്, എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.