ന്യൂയോര്‍ക്ക്: യു.എസിലെ സൗത്ത് കരോലിനയില്‍ ഇന്ത്യന്‍ വംശജന്‍ വെടിയേറ്റു മരിച്ചു.വ്യവസായിയായ ഹാര്‍നിഷ് പട്ടേല്‍ ആണ് മരിച്ചത്. വ്യാഴാഴ്ച രാത്രിയാണ്‌
 സംഭവം.

കഴിഞ്ഞയാഴ്ചയാണ് ഇന്ത്യന്‍ എന്‍ജിനീയര്‍ ശ്രീനിവാസ് കുചിഭോട്‌ല കാന്‍സസ് സിറ്റിയില്‍ വംശീയവിദ്വേഷത്തിനിരയായി കൊല്ലപ്പെട്ടത്. ഇതിന്റെ നടുക്കം വിട്ടുമാറും മുന്‍പാണ് ഇന്ത്യന്‍ വംശജന്റെ മരണമെന്നത് യുഎസിലെ ഇന്ത്യക്കാരെ ആശങ്കയിലാഴ്ത്തിയിരിക്കുകയാണ്.

വ്യാഴാഴ്ച രാത്രി 11.24 നു തന്റെ കടയടച്ച് വീട്ടിലേക്കു പുറപ്പെട്ട ഹാര്‍നിഷ് പട്ടേല്‍ പത്തു മിനിറ്റിനുള്ളിലാണ് വെടിയേറ്റു മരിച്ചതെന്ന് പ്രാദേശിക ദിനപത്രം റിപ്പോര്‍ട്ടു ചെയ്തു. സംഭവത്തെ കുറിച്ച് പൊലിസ് അന്വേഷണം ആരംഭിച്ചു