തിരുവനന്തപുരം: ഭവന വായ്പയെടുത്ത് വീടുവയ്ക്കാതെ തട്ടിപ്പു നടത്തുകയായിരുന്നെന്ന് കണ്ടെത്തിയെങ്കിലും ഉത്തരവാദികളായ ഉദ്യോഗസ്ഥര്‍ക്കെതിരേ നടപടിയെടുക്കാതെ കെ.എസ്.എഫ്.ഇ. കെ.എസ്.എഫ്.ഇയുടെ തിരുവനന്തപുരം ജില്ലയിലെ കുന്നത്തുകാല്‍ ബ്രാഞ്ചിലാണ് 

ന്യൂ ഹൗസിങ് ഫിനാന്‍സ് സ്‌കീം (എന്‍. എച്ച്.എഫ്.എസ്) എന്ന പേരില്‍ അറിയപ്പെടുന്ന കെ.എസ്.എഫ്.ഇയുടെ ഭവന വായ്പകളിലാണ് ക്രമക്കേട് നടന്നതായി കണ്ടെത്തിയത്. 2014 മുതല്‍ 2017 വരെ ഇത്തരത്തില്‍ ക്രമക്കേട് നടന്നതായി കെ.എസ്.എഫ്.ഇ നടത്തിയ ആഭ്യന്തര അന്വേഷണത്തില്‍ കണ്ടെത്തിയിരുന്നു. മതിയായ ഈടില്ലാതെ നല്‍കിയ ഭവന വായ്പ വാങ്ങി വീട് വച്ചില്ലെന്നു മാത്രമല്ല, ഈ വായ്പകളെല്ലാം കുടിശികയാക്കുകയും ചെയ്തുവെന്നും അന്വേഷണത്തില്‍ കണ്ടെത്തിയിരുന്നു. തിരിച്ചടവ് ശേഷി പരിഗണിക്കാതെ ഒരു കുടുംബത്തിലെതന്നെ മൂന്നുപേര്‍ക്ക് ഭവനവായ്പ നല്‍കുകയും ചെയ്തു. 

ഇതെല്ലാം അന്വേഷണത്തില്‍ തെളിഞ്ഞെങ്കിലും ഭരണാനുകൂല സംഘടനയുടെ നേതാവായ ആള്‍ മാനേജരായിരുന്ന കാലത്താണ് ഈ ക്രമക്കേടുകള്‍ നടന്നത് എന്നതിനാലാണ് കെ.എസ്.എഫ്.ഇ നടപടിയെടയുക്കാന്‍ ഭയക്കുന്നത്.