വണ്ടിപ്പെരിയാര്‍: കുടുംബ വഴക്കിനെ തുടര്‍ന്നുണ്ടായ തര്‍ക്കത്തില്‍ ഭാര്യ സഹോദരന്റെ കത്തികൊണ്ടുള്ള ആക്രമണത്തില്‍ യുവാവിന് പരിക്കേറ്റു.
വാളാര്‍ഡി ലക്ഷം വീട് കോളനിയില്‍ താമസിക്കുന്ന രമേഷ് (37) നാണ് പരിക്കേറ്റത്.  ഇന്നലെ  വൈകിട്ട് ഏഴുമണിയോടു കൂടി 62 മൈല്‍ ജംഗ്ഷനില്‍ വെച്ചായിരുന്നു സംഭവം. വെള്ളിയാഴ്ച്ച രാത്രിയില്‍  മദ്യ ലഹരിയില്‍ എത്തിയ രമേഷ് ഭാര്യയുമായും അമ്മയുമായും വഴക്കുണ്ടാക്കി.  സ്ഥലത്ത് ഇല്ലാതിരുന്ന  ഭാര്യ സഹോദരന്‍ ഇളങ്കോവന്‍  ഇന്നലെ വൈകിട്ട് സംഭവത്തെ കുറിച്ച് രമേഷുമായി ചോദിക്കുകയും ഇതിനെ തുടര്‍ന്നുണ്ടായ വാക്കു തര്‍ക്കത്തില്‍ ഇളങ്കോവന്‍ കൈയില്‍ കരുതിയിരുന്ന കത്തി ഉപയോഗിച്ച് മുറിവേല്‍പ്പിക്കുകയായിരുന്നു. സാരമായി പരിക്കേറ്റ രമേഷിനെ പെരിയാര്‍ സാമൂഹിക ആരോഗ്യ കേന്ദ്രത്തില്‍ പ്രവേശിപ്പിച്ചു. വണ്ടിപ്പെരിയാര്‍ പൊലിസ് സ്ഥലത്തെത്തി അന്വേഷണം ആരംഭിച്ചു.