കാക്കനാട്: കുടുംബശ്രീ വനിതകളുടെ നിയമനത്തിനായി കൊച്ചി മെട്രോയില്‍ നടത്തിയ എഴുത്തുപരീക്ഷയില്‍ 1077 പേരുടെ റാങ്ക് ലിസ്റ്റ് പ്രസിദ്ധീകരിച്ചു. മെട്രാറെയില്‍ കമ്പനിയിലും അനുബന്ധമേഖലയിലും നിയമനത്തിനുമായി നടത്തിയ പരീക്ഷയില്‍ ലഭിച്ച മാര്‍ക്കിന്റെയും മുന്‍ഗണന ഘടകങ്ങളുടെയും അടിസ്ഥാനത്തില്‍ തയ്യാറാക്കിയ  ലിസ്റ്റാണ് ശനിയാഴ്ച പ്രസിദ്ധീകരിച്ചത്.
ജില്ലയിലെ കുടുംബശ്രീ സി.ഡി.എസ് ഓഫിസുകളിലും കുടുംബശ്രീ വെബ് സൈറ്റുകളിലും റാങ്ക് ലിസ്റ്റ് പരിശോധനക്ക് ലഭ്യമാണ്. വിവിധ തസ്തികളിലേക്കുള്ള ഇന്റര്‍വ്യു മാര്‍ച്ച് 7,8,9 തിയ്യതികളില്‍ കാക്കനാട് (എന്‍.ജി.ഒ    ക്വാര്‍ട്ടേഴ്‌സിന് സമീപം) യൂത്ത് ഹോസ്റ്റലില്‍ നടക്കും.