ന്യൂഡല്‍ഹി: യു.എസ് പ്രസിഡന്റ് ഡൊണാള്‍ഡ് ട്രംപിന്റെ സന്ദര്‍ശനത്തിനെതിരേ രാജ്യത്തിന്റെ വിവിധ ഭാഗങ്ങളില്‍ പ്രതിഷേധം. ഗുവാഹത്തി, ഹൈദരാബാദ്, കൊല്‍ക്കത്ത, ഡല്‍ഹി തുടങ്ങിയ സ്ഥലങ്ങളിലാണ് ഇടതുപക്ഷ പാര്‍ട്ടികളും മറ്റും ശക്തമായ പ്രതിഷേധ പ്രകടനങ്ങള്‍ നടത്തിയത്. ഡല്‍ഹിയിലടക്കം രാജ്യത്തിന്റെ വിവിധ ഭാഗങ്ങളില്‍ പൗരത്വ നിയമത്തിനെതിരായ പ്രതിഷേധങ്ങളും ശക്തമായി.
ട്രംപ് ഗോ ബാക്ക് എന്ന് പ്ലക്കാര്‍ഡുകളുമേന്തിയാണ് ഇടതു പാര്‍ട്ടികള്‍ മാര്‍ച്ച് നടത്തിയത്. പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ ട്രംപിന് വര്‍ണാഭ സ്വീകരണം ഒരുക്കിയതിനിടെയാണ് വിവധ നഗരങ്ങളില്‍ ശക്തമായ പ്രതിഷേധം അരങ്ങേറിയത്.