മലപ്പുറം: കെ.എസ്.ആർ.ടി.സി ഇനി എപ്പോഴും വിളിപ്പുറത്ത്. ലാൻഡ് ഫോണുകളിലേക്കു വിളിച്ച് വിവരങ്ങൾ അറിഞ്ഞിരുന്ന യാത്രക്കാർക്ക് ഇനി കെ.എസ്.ആർ.ടി.സിയുടെ മൊബൈൽ നമ്പറുകളിൽ വിളിച്ചു തുടങ്ങാം. എൻക്വയറി കൗണ്ടറുകളിൽനിന്ന് മറുപടി ലഭിക്കാതിരിക്കുക, ബന്ധപ്പെട്ട ഉദ്യോഗസ്ഥരിലേക്ക് കണക്ട് ചെയ്യപ്പെടാതിരിക്കുക, വിവരങ്ങൾ അറിയാതിരിക്കുക തുടങ്ങിയ വിവിധ തരം പ്രതിസന്ധികളാണ് യാത്രക്കാർ കെ.എസ്.ആർ.ടി.സികളിലെ ലാൻഡ്  ഫോൺ കോൾ വഴി പലപ്പോഴും നേരിട്ടിരുന്ന പ്രയാസങ്ങൾ. ഇതിനു പരിഹാരമായാണ് മൊബൈൽ കോൾ സംവിധാനത്തിലേക്കു മാറിയത്. മൊബൈൽ കോൾ സൗകര്യം നിലവിൽ വന്നതോടെ കെ.എസ്.ആർ.ടി.സി അടിമുടി മാറിയ പ്രതീതിയാണുള്ളതെന്ന് യാത്രക്കാരും പറയുന്നു.

ALSO READ: പൊലിസ് സ്റ്റേഷനുകളിലെ റൗഡി പട്ടിക പരസ്യമായി പ്രദർശിപ്പിക്കാനുള്ളതല്ല; പരസ്യ പ്രദർശനം സ്വകാര്യത ലംഘനം; ഹൈക്കോടതി

ഇന്നലെ മുതലാണ്  സ്റ്റേഷൻ മാസ്റ്റർ ഓഫിസുകളിൽ ലാൻഡ് ഫോണുകൾ നിർത്തലാക്കി  മൊബൈൽ നമ്പറുകൾ ഉപയോഗിച്ചുമുള്ള പരിഷ്‌കാരത്തിനു തുടക്കം കുറിച്ചത്. പൊതുജനങ്ങൾക്ക് സൗകര്യമൊരുക്കുന്നതിനും ജീവനക്കാർക്ക് വിവിധ ആവശ്യങ്ങൾക്കായി ബന്ധപ്പെടുന്നതിനുമായി കെ.എസ്.ആർ.ടി.സി ഡിപ്പോകളിലുടനീളമുള്ള എല്ലാ സ്റ്റേഷൻ മാസ്റ്റർ (എസ്.എം) ഓഫിസുകളിലും ഔദ്യോഗിക സിം ഉൾപ്പെടെയുള്ള ഒരു മൊബൈൽ ഫോൺ നൽകിയുള്ളതാണ് പുതിയ മാറ്റം. അന്വേഷണങ്ങൾക്കും സംശയങ്ങൾക്കുമെല്ലാം യാത്രക്കാർ മൊബൈൽ നമ്പറുകളിൽ വിളിച്ചു തുടങ്ങി.

The Kerala State Road Transport Corporation (KSRTC) has introduced a mobile number system for customer enquiries, making it easier for passengers to get information. This move aims to address the issues faced by passengers when trying to contact the corporation via landline phones. Passengers can now call the KSRTC mobile numbers to get their queries answered.