അഹമ്മദാബാദ്: സീരിയസായി കാണാന്‍ പോയ പരിപാടിയെ കോമഡി ഷോ ആക്കുന്നത് എന്തൊരു കഷ്ടമാണ്. ഗുജറാത്തിലെ മൊട്ടേര സ്റ്റേഡിയത്തില്‍ നടന്ന നമസ്‌തേ ട്രംപ് പരിപാടിയെ സീരിയസായി കാണാന്‍ പോയവര്‍ക്ക് തിരിച്ചിറങ്ങുമ്പോള്‍ കോമഡി ഷോ ആയിട്ടാണ് അനുഭവപ്പെട്ടിണ്ടാവുക. അത്രത്തോളം പിഴവുകളാണ് ട്രംപും മോദിയും കൂടി അവിടെ വാരിവലിച്ചിട്ടത്.
മോദി ട്രംപിനെ അഭിസംബോധന ചെയ്തത് മിസ്റ്റര്‍ 'ഡോളന്‍' ട്രംപ് എന്നാണ്. എന്നാല്‍ തിരിച്ച് പറയുമ്പോള്‍ പേര് കൃത്യമായി പറയാന്‍ ട്രംപിന് സാധിച്ചിട്ടുണ്ട്. പക്ഷേ പിന്നീട് അങ്ങോട്ട് പിഴവുകളുടെ പേമാരിയായിരുന്നു. കൂട്ടുകാരന്‍ മോദിയെ 'ചീവാല' എന്ന് സ്‌നേഹത്തോടെ വിളിച്ചായിരുന്നു ട്രംപിന്റെ പിഴവുകളുടെ ഘോഷയാത്രയ്ക്ക് തുടക്കം. ചായ്‌വാല (ചായവില്‍പ്പനക്കാരന്‍) എന്ന് വിളിക്കേണ്ടിടത്താണ് ചീവാല വിളി. സ്വാമി വിവേകാനന്ദനെ സ്വാമി വിവേകമുണ്ടയാക്കിയതാണ് മറ്റൊന്ന്. സച്ചിന്‍ ടെണ്ടുല്‍ക്കറെ സൂച്ചിന്‍ ടെണ്ടുല്‍ക്കറാക്കിയും വിരാട് കോഹ്‌ലിയെ വിരിയുട്ട് കോഹ്‌ലിയാക്കിയും വേദാസിനെ വെസ്റ്റാസാക്കിയും അദ്ദേഹം മാറ്റി.
ഇതോടെ ഇരുവരുടെയും ഉച്ചാരണശുദ്ധിയിലുണ്ടായ പിഴവുകള്‍ ട്രോളന്‍മാര്‍ കൊത്തിയെടുത്തു. നല്ലവണ്ണം പരിഹസിച്ച ശേഷം ട്രോളുകളിലെ അവസാന വാചകം ഇങ്ങനെയായിരുന്നു- നമസ്‌തേ ട്രംപ്.