കൊച്ചി: ലോകത്തിന്റെ വിവിധ ഭാഗങ്ങളില്‍ പ്രവര്‍ത്തിക്കുന്ന വ്യത്യസ്ത പ്രവാസി സംഘടനകളുടെ പ്രതിനിധി സംഘടനയായ പ്രവാസി കോണ്‍ക്ലേവ് ട്രസ്റ്റ് (പി.സി.ടി) കൊച്ചിയില്‍ ഓഫിസ് തുറന്നു.
ജസ്റ്റിസ് ഡോ.കെ.നാരായണക്കുറുപ്പ് ഉദ്ഘാടനം ചെയ്തു. പി.സി.ടി ചെയര്‍മാന്‍ അലക്‌സ് വിളനിലം കോശി, പ്രസിഡന്റ് ആന്റണി പ്രിന്‍സ്, സെക്രട്ടറി അഡ്വ. സിറിയക് തോമസ്, ട്രഷറര്‍ ബാലഗോപാല്‍ വെളിയത്ത്, കിങ്‌സ് ഗ്രൂപ്പ് സി.ഇ.ഒ ഷാജി ബേബി ജോണ്‍ തുടങ്ങിയവര്‍ പങ്കെടുത്തു.ലോകത്തിന്റെ വിവിധ ഭാഗങ്ങളിലുള്ള വിവിധ പ്രവാസി സംഘടനകളുടെ ഒന്നിച്ചുള്ള പ്രവര്‍ത്തനവും വളര്‍ച്ചയും ലക്ഷ്യമിട്ടാണ് പി.സി.ടി രൂപീകരിച്ചതെന്ന് പ്രസിഡന്റ് ആന്റണി പ്രിന്‍സ് പറഞ്ഞു.
തുടക്കത്തില്‍ വേള്‍ഡ് മലയാളി കൗണ്‍സില്‍, ഫോമ, ഫൊക്കാന, ഡബ്ല്യു.എം.എഫ് തുടങ്ങിയ സംഘടനകളെ പ്രതിനിധീകരിച്ചുള്ള പതിഞ്ചംഗ ബോര്‍ഡ് ഓഫ് ട്രസ്റ്റീസാണ് പി.സി.ടിയെ നിയന്ത്രിക്കുക. എറണാകുളത്ത് ദിവാന്‍സ് റോഡിലെ ജസ്റ്റിസ് കെ.ജെ ജോസഫ് ലെയിനിലാണ് ഓഫിസ് പ്രവര്‍ത്തിക്കുന്നത്.