വെഞ്ഞാറമൂട്: പേടികുളത്ത് ചെങ്കല്‍ചൂളയ്ക്ക് തീപിടിച്ചു. മേല്‍ക്കൂര പൂര്‍ണമായും കത്തിനശിച്ചു. ഫയര്‍ഫോഴ്‌സെത്തി തീ അണച്ചു. ആളപായമില്ല. ഇന്നലെ വൈകുന്നേരം ആറ് മണിയോടെയായിരുന്നു തീ പിടിത്തമുണ്ടായത്.
തീ പടരുന്നത് തൊഴിലാളികളുടെ ശ്രദ്ധയില്‍പ്പെട്ടി ഉടന്‍ വെഞ്ഞാറമൂട് ഫയര്‍ഫോഴ്‌സിനെ വിവരം അറിയിക്കുകയും ഫയര്‍ഫോര്‍ഴ്‌സ് സ്ഥലത്തെത്തി തീ നിയന്ത്രണ വിധേയമാക്കുകയായിരുന്നു.
സമീപത്തെ ചൂളയ്ക്ക് തീ ഇട്ടതില്‍ നിന്നും തീ പൊരി പടര്‍ന്നതാകാം തീ പിടിത്തത്തിന് കാരണമായതെന്ന് ഫയര്‍ഫോഴ്‌സ് ഉദ്യോഗസ്ഥര്‍ പറഞ്ഞു.
വെഞ്ഞാറമൂട് ഫയര്‍ഫോഴ്‌സ് യൂനിറ്റിലെ അസി. സ്റ്റേഷന്‍ ഓഫിസര്‍ പി.ആര്‍ അനില്‍കുമാറിന്റെ നേതൃത്വത്തിലുള്ള ഫയര്‍ഫോഴ്‌സ് സംഘമാണ് സ്ഥലത്തെത്തി തീ കെടുത്തിയത്.