കൊല്ലം: യു .ഡി .എഫ് ഭരണ കാലത്തെ ബജറ്റുകള്‍ കൊല്ലം ജില്ലയെ വികസന കാര്യങ്ങളില്‍ മുന്നോട്ട് കൊണ്ടു പോയിരുന്നുവെങ്കില്‍ ഇപ്പോഴത്തെ ബജറ്റ്  നിരാശാജനകമാണെന്ന് ഡി .സി .സി പ്രസിഡന്റ്   ബിന്ദുകൃഷ്ണ. കശുവണ്ടി മേഖലയില്‍ കോടികള്‍  വകയിരുത്തിയിട്ടുണ്ട് എന്ന് പറയുന്നെങ്കിലും തൊഴിലാളികളെ സംരക്ഷിക്കാനോ മേഖലയെ സംരക്ഷിക്കുന്ന തരത്തിലുള്ള മറ്റൊരു പദ്ധതികളോ  ബജറ്റിലില്ല. ജില്ലയിലെ കയര്‍തൊഴിലാളികളെയും അവഗണിച്ചു.
 അഷ്ടമുടി കായലിലെ മാലിന്യ പ്രശ്‌നം കൊല്ലത്തിന്റെ പ്രധാന പ്രശ്‌നമായിട്ടും ഇത് പരിഹരിക്കുന്നതിനെപ്പെറ്റിയും പറഞ്ഞിട്ടില്ല. പെരുമണ്‍ പാലത്തിന് തറക്കല്ലിട്ടിട്ട് വര്‍ഷങ്ങള്‍ കഴിഞ്ഞിട്ടും പണി തുടങ്ങാന്‍ കഴിയാതെ പ്രഖ്യാപനങ്ങള്‍ മാത്രം നടത്തുകയാണെന്നും അവര്‍ ആരോപിച്ചു.