നരിക്കുനി: തൊണ്ണൂറ് വര്‍ഷം പിന്നിടുന്ന നെടിയനാട് ജി.എം.എല്‍.പി സ്‌കൂള്‍ പ്രവേശനകവാടത്തിന്റെ ഉദ്ഘാടനവും വാര്‍ഷികാഘോഷവും വിപുലമായ പരിപാടികളോടെ നടത്തി. നെടിയനാട് പ്രദേശത്തെ ആദ്യ സര്‍ക്കാര്‍ വിദ്യാലയമായ ജി.എം.എല്‍.പി സ്‌കൂള്‍ ഭൗതിക-അക്കാദമിക മികവുകളില്‍ ഏറെ മുന്നില്‍ നില്‍ക്കുന്ന സ്ഥാപനമാണ്. ഉദ്ഘാടന സമ്മേളനത്തില്‍ നരിക്കുനി ഗ്രാമ പഞ്ചായത്ത് പ്രസിഡന്റ് അഡ്വ. പി.കെ വബിത അധ്യക്ഷയായി.
ചേളന്നൂര്‍ ബ്ലോക്ക് പഞ്ചായത്ത് പ്രസിഡന്റണ്ട് ഒ.പി ശോഭന ഉദ്ഘാടനം ചെയ്തു വിശിഷ്ടാതിഥികളായ മുഹമ്മദ് അബ്ബാസ്(എ.ഇ.ഒ  കൊടുവള്ളി), മെഹറലി (ബി.പി.ഒ കൊടുവള്ളി) എന്നിവരെ ആദരിച്ചു. പി.പി അബ്ദുല്‍ ജബ്ബാര്‍ മാസ്റ്റര്‍, ഐ. ആമിന ടീച്ചര്‍, സി. വേണുഗോപാല്‍, ഷക്കീല ടീച്ചര്‍, എന്‍.പി മുഹമ്മദ്, ആര്‍. ഗിരീഷ്‌കുമാര്‍ സംസാരിച്ചു. പ്രധാനധ്യാപിക കെ. പുഷ്പലത സ്വാഗതവും അബ്ദുല്‍ ബഷീര്‍ നന്ദിയും പറഞ്ഞു. തുടര്‍ന്ന് വിദ്യാര്‍ഥികളുടെയും പൂര്‍വ വിദ്യാര്‍ഥികളുടെയും കലാപരിപാടികള്‍ അരങ്ങേറി.