ബന്ധുവിനെ 

പൊലിസ് തിരയുന്നു

സുല്‍ത്താന്‍ ബത്തേരി: ആദിവാസി പെണ്‍കുട്ടിയെ കത്തികാട്ടി ഭീഷണിപ്പെടുത്തി വനത്തില്‍ കൊണ്ടുപോയി പീഡിപ്പിച്ചു. സുല്‍ത്താന്‍ ബത്തേരി പൊലിസ് സ്റ്റേഷന്‍ പരിധിയില്‍  ഇന്നലെ രാവിലെ എട്ടുമണിയോടെയാണ് സംഭവം.  

പെണ്‍കുട്ടിയെ ബന്ധുവായ യുവാവ് ഭീഷണിപ്പെടുത്തി  വനത്തിലേക്ക് കൊണ്ടുപോകുന്നത് കണ്ട് കോളനിയിലെ മറ്റ്കുട്ടികള്‍ വിവരം അറിയിച്ചതിനെതുടര്‍ന്നാണ് സംഭവം പുറത്തറിഞ്ഞത്. തുടര്‍ന്ന് സുല്‍ത്താന്‍ ബത്തേരിയില്‍ നിന്ന് എസ്.എച്ച്.ഒ  എം. ഡി സുനിലിന്റെ നേതൃത്വത്തില്‍ പൊലിസും ഒപ്പം വനപാലകരും സ്ഥലത്തെത്തി തിരച്ചില്‍ നടത്തി. 

ഇതിനിടെ പെണ്‍കുട്ടി രക്ഷപ്പെട്ട് ഉച്ചയോടെ കോളനിയിലേക്ക് ഓടി എത്തുകയും ചെയ്തു. സംഭവത്തില്‍ പൊലിസ്  പോക്‌സോ വകുപ്പ് പ്രകാരം കേസെടുത്തു. പ്രതിയായ ബന്ധുവിനായുള്ള അന്വേഷണം ഊര്‍ജിതമാക്കിയിട്ടുണ്ട്.