കൊൽക്കത്തയിൽ നിയമ വിദ്യാർഥിനിയെ കൂട്ടബലാത്സംഗം ചെയ്ത സംഭവം പശ്ചിമ ബംഗാളിൽ വലിയ പ്രതിഷേധങ്ങൾക്ക് കാരണമായിരുന്നു. ഇതിനു പിന്നാലെ കേസിലെ പ്രധാന പ്രതിയായ മനോജിത് മിശ്രക്കെതിരെ ​ലൈം​ഗിക പീഡനാരോപണവുമായി ഇതേ സ്ഥാപനത്തിലെ മറ്റൊരു വിദ്യാർത്ഥിനി രം​ഗത്ത്. രണ്ട് വർഷം മുമ്പ് തന്നെ ലൈംഗികമായി ഉപദ്രവിക്കുകയും ഭീഷണിപ്പെടുത്തുകയും ചെയ്തതായി വിദ്യാർഥിനി ആരോപിക്കുന്നു.

തൃണമൂൽ കോൺഗ്രസിന്റെ ഛത്ര പരിഷത്ത് നേതാവായ മിശ്ര, ഒരു കോളേജ് യാത്രയ്ക്കിടെ തന്നെ ആക്രമിക്കുകയും ഭീഷണിപ്പെടുത്തുകയും ചെയ്തതായി ആരോപിച്ചു. ഏകദേശം 15 വനിതാ വിദ്യാർത്ഥിനികൾ മിശ്രയുടെ "വികൃത" സ്വഭാവത്തിന് ഇരയായതായും അവർ ഇന്ത്യ ടുഡേ ടിവിയോട് വെളിപ്പെടുത്തി.

ആ സമയത്ത് എന്തുകൊണ്ട് പരാതി നൽകിയില്ല എന്ന ചോദ്യത്തിന്, മിശ്ര തന്റെ മാതാപിതാക്കളെയും സഹോദരിയെയും കൊല്ലുമെന്ന് ഭീഷണിപ്പെടുത്തിയതിനാൽ പൊലിസിനെ സമീപിക്കാൻ തനിക്ക് ഭയം തോന്നിയതായി അവർ പറഞ്ഞു.

ALSO READ: കേന്ദ്രത്തിൽ കോൺഗ്രസ് അധികാരത്തിൽ വന്നാൽ ആർ‌എസ്‌എസിനെ നിരോധിക്കും; പ്രിയങ്ക് ഖാർ​ഗെ

മിശ്രയുടെ വലിയ രാഷ്ട്രീയ ബന്ധങ്ങളും സ്വാധീനവും പരാതിയുമായി മുന്നോട്ട് പോകുന്നതിൽ തടസ്സം സൃഷ്ടിച്ചതായും അവർ ആരോപിച്ചു. തൃണമൂൽ കോൺഗ്രസ് എംഎൽഎയും കോളേജ് ഭരണസമിതി പ്രസിഡന്റുമായ അശോക് കുമാർ ദേബ് മിശ്രയെ പിന്തുണച്ചിരുന്നതായും അവർ വെളിപ്പെടുത്തി. മിശ്രയ്ക്കെതിരെ മുമ്പ് നിരവധി പരാതികൾ ഉണ്ടായിരുന്നിട്ടും, രാഷ്ട്രീയ ബന്ധങ്ങൾ കാരണം പൊലിസ് നടപടി എടുക്കുന്നതിൽ നിന്ന് വിട്ടുനിന്നതായും വിദ്യാർത്ഥിനി അവകാശപ്പെട്ടു.

കഴിഞ്ഞ ബുധനാഴ്ചയായിരുന്നു കൊൽക്കത്തയിൽ നിയമ വിദ്യാര്‍ത്ഥിനി പീഡനത്തിന് ഇരയായത്. തുടര്‍ന്ന്, പെണ്‍കുട്ടിയുടെ പരാതിയെ തുടര്‍ന്നാണ് പ്രതികള്‍ക്കെതിരെ നടപടി സ്വീകരിച്ചത്. സംഭവത്തില്‍ ഇതുവരെ നാല് പ്രതികളെ പൊലിസ് അറസ്റ്റ് ചെയ്തു. ഇവരില്‍ ഒരാള്‍ കോളേജിലെ മുന്‍ വിദ്യാര്‍ത്ഥിയും, രണ്ട് പേര്‍ നിലവിലെ വിദ്യാര്‍ത്ഥികളും, ഒരാള്‍ കോളേജിലെ സുരക്ഷാ ജീവനക്കാരനുമാണ്. 

മുഖ്യ പ്രതിയായ മനോജ് ശര്‍മയുടെ വിവാഹാഭ്യര്‍ത്ഥന താന്‍ നിരസിച്ചതിനെ തുടര്‍ന്ന്, ആണ്‍ സുഹൃത്തിനെ ഉപദ്രവിക്കുമെന്നും, അവരുടെ മാതാപിതാക്കളെ കള്ളക്കേസില്‍ കുടുക്കുമെന്നും മനോജ് ഭീഷണിപ്പെടുത്തിയതായി വിദ്യാര്‍ത്ഥിനി ആരോപിച്ചു. പ്രതികള്‍ വിദ്യാര്‍ത്ഥിനിയെ ബലമായി കോളേജിലെ ഗാര്‍ഡ് റൂമിലെത്തിച്ചാണ് പീഡനത്തിനിരയാക്കിയത്. റിപ്പോര്‍ട്ടുകള്‍ അനുസരിച്ച് കേസിലെ മുഖ്യ പ്രതിയായ മനോജ് ശര്‍മ തൃണമൂല്‍ കോണ്‍ഗ്രസുമായി ബന്ധപ്പെട്ട് പ്രവര്‍ത്തിക്കുന്നഅഭിഭാഷകനാണ്.

The Kolkata gang-rape case of a law student has triggered widespread protests in West Bengal. The main accused, Monojit Mishra, faces new allegations of sexual harassment from another student at the same institution. The victim alleges that Mishra sexually harassed and threatened her two years ago. Mishra has a history of alleged misconduct, with multiple FIRs filed against him across various police stations in south Kolkata for charges including molestation, assault, and vandalism ¹.