ജുബൈൽ: ഷഹീൻ ബാഗിലും ഡൽഹിയുടെ വടക്കു കിഴക്കൻ ഭാഗങ്ങളായ മൗജ്പൂർ, ജാഫറാബാദ്, ഭജനപുരി ഭാഗങ്ങളിൽ സംഘപരിവാർ പ്രവർത്തകർ പോലീസിനൊപ്പം ചേർന്ന് നടത്തിയ അക്രമങ്ങളെയും കലാപത്തെയും ശക്തമായി ജുബൈൽ കെഎംസിസി സെൻട്രൽ കമ്മിറ്റി പ്രതിഷേധിച്ചു. സ്ത്രീകളും കുട്ടികളുമടക്കം മുസ്‌ലിംകളായ നാട്ടുകാർക്കെതിരെ നടത്തിയ ആക്രമം കേന്ദ്ര ഗവണ്മെന്റിന്റെ  ഒത്താശകൂടിയാണെന്നു പ്രതിഷേധക്കുറിപ്പിൽ അറിയിച്ചു.

      മാധ്യമ പ്രവർത്തകരെപോലും മതം ചോദിച്ചു ആക്രമിച്ച സംഘപരിവാർ ഫാസിസം അതിന്റെ ഉച്ചസ്ഥായിൽ എത്തിയിരിക്കുകയെന്നും കമ്മിറ്റി ഭാരവാഹികളായ യു എ റഹീം, ജാഫർ തേഞ്ഞിപ്പലം, ഷംസുദ്ദീൻ പള്ളിയാളി, നൗഷാദ് തിരുവനന്തപുരം എന്നിവർ അറിയിച്ചു .