തൃശൂര്‍: പാര്‍ലമെന്റ് തെരഞ്ഞെടുപ്പില്‍ കൊല്ലം ഉള്‍പ്പെടെ നാലു സീറ്റുകള്‍ ബി.ഡി.ജെ.എസിന് നല്‍കാന്‍ ബി.ജെ.പി കോര്‍കമ്മിറ്റിയില്‍ തീരുമാനം. എട്ടു സീറ്റ് നല്‍കണമെന്ന ബി.ഡി.ജെ.എസിന്റെ ആവശ്യം കോര്‍കമ്മിറ്റി തള്ളി. ബി.ഡി.ജെ.എസിന് നല്‍കുന്ന സീറ്റുകള്‍ എന്‍.ഡി.എ ചര്‍ച്ച ചെയ്ത് തീരുമാനിക്കും.

ഇതിനു ശേഷമേ ബി.ജെ.പിയില്‍ ആരൊക്കെ മത്സരിക്കണമെന്ന കാര്യത്തില്‍ അന്തിമ തീരുമാനമുണ്ടാകൂ.
എന്നാല്‍ കുമ്മനം രാജശേഖരനും സുരേഷ് ഗോപിയും കെ.സുരേന്ദ്രനും ടി.പി സെന്‍കുമാറും ബി.ജെ.പി സ്ഥാനാര്‍ഥികളാകും. ഇവരെ മത്സരിപ്പിക്കുന്നത് പാര്‍ട്ടിക്ക് ഗുണം ചെയ്യുമെന്നാണ് കോര്‍ കമ്മിറ്റിയിലുണ്ടായ ഭൂരിപക്ഷാഭിപ്രായം. ഫെബ്രുവരി രണ്ടാം വാരത്തില്‍ അന്തിമ സ്ഥാനാര്‍ഥി പട്ടിക പുറത്ത് വിടും.