ആലക്കോട്: കുട്ടാപറമ്പ് ജുമാമസ്ജിദിനു സമീപം ടിപ്പര്‍ലോറിയുടെ എന്‍ജിന് തീപിടിച്ചത് നാട്ടുകാരില്‍ പരിഭ്രാന്തി പടര്‍ത്തി. ശനിയാഴ്ച ഉച്ചയ്ക്ക് ഒന്നോടെയാണ് കരിങ്കല്‍ പൊടിയുമായി വരികയായിരുന്ന ലോറിയുടെ എന്‍ജിന് തീപിടിച്ചത്. പുക ഉയരുന്നത് കണ്ട ഡ്രൈവര്‍ വാഹനം നിര്‍ത്തി ചാടിയിറങ്ങി. എന്‍ജിന്‍ കാബിന് അടിയിലും തീ പടരാന്‍ തുടങ്ങിയതോടെ ഓടികൂടിയ നാട്ടുകാര്‍ വെള്ളം ഒഴിച്ച് തീ കെടുത്തുകയായിരുന്നു. ആലക്കോട് എസ്.ഐ മനോഹരനും സംഘവും നാട്ടുകാര്‍ക്കൊപ്പം രക്ഷാപ്രവര്‍ത്തനത്തില്‍ പങ്കാളികളായി.