ന്യൂഡല്‍ഹി: സുപ്രിം കോടതിയിലെ ആറ് ജഡ്ജിമാര്‍ക്ക് എച്ച്1 എന്‍1 സ്ഥിരീകരിച്ചു. ജസ്റ്റിസ് ഡി.വൈ ചന്ദ്രചൂഡാണ് ഇക്കാര്യം അറിയിച്ചത്. ആര്‍. ഭാനുമതി, മോഹന ശാന്തന ഗൗഡര്‍, ഇന്ദിരാ ബാനര്‍ജി, എസ്. ബൊപ്പണ്ണ, അബ്ദുള്‍ നസീര്‍, സഞ്ജീവ് ഖന്ന എന്നിവര്‍ക്കാണ് എച്ച് 1 എന്‍ 1 പനി ബാധിച്ചത്. തുടര്‍ന്ന് ചീഫ് ജസ്റ്റിസ് എസ്.എ ബോബ്‌ഡെ അടിയന്തര യോഗം വിളിച്ച് വിഷയം ചര്‍ച്ച ചെയ്തു. സിറ്റിങ് നടത്തുന്നതിനിടെ ആര്‍ ഭാനുമതി, ഇന്ദിരാ ബാനര്‍ജി എന്നിവര്‍ക്ക് ദേഹാസ്വാസ്ഥ്യം അനുഭവപ്പെട്ടിരുന്നു. അഭിഭാഷകര്‍ അടക്കം മുന്‍ കരുതല്‍ സ്വീകരിക്കണമെന്ന് ചന്ദ്രചൂഡ് നിര്‍ദേശിച്ചു.