ആലപ്പുഴ : ലോക്‌സഭാ തെരഞ്ഞെടുപ്പിന്റെ മുന്നൊരുക്കങ്ങള്‍ വിലയിരുത്തുന്നതിനായി കേരളത്തിന്റെ ചുമതലയുള്ള എ.ഐ.സി.സി.ജനറല്‍ സെക്രട്ടറി മുകുള്‍വാസ്‌നിക് ശനിയാഴ്ച രാവിലെ 10 മണിക്ക് ജില്ലയിലെ കോണ്‍ഗ്രസ് നേതൃ യോഗത്തില്‍ പങ്കെടുക്കും. കെ.പി.സി.സി. പ്രസിഡന്റ് മുല്ലപ്പള്ളി രാമചന്ദ്രന്‍, പ്രതിപക്ഷ നേതാവ് രമേശ് ചെന്നിത്തല, മുന്‍ മുഖ്യമന്ത്രി ഉമ്മന്‍ ചാണ്ടി, എ.ഐ.സി.സി.ജനറല്‍ സെക്രട്ടറി കെ.സി.വേണുഗോപാല്‍ എം.പി. എന്നിവര്‍ യോഗത്തില്‍ സംബന്ധിക്കും. യോഗത്തില്‍ ജില്ലയിലെ കെ.പി.സി.സി.ഭാരവാഹികള്‍, അംഗങ്ങള്‍, നിര്‍വ്വാഹക സമിതി അംഗങ്ങള്‍,ഡി.സി.സി.ഭാരവാഹികള്‍, ബ്ലോക്ക് -മണ്ഡലം പ്രസിഡന്റ് മാര്‍, മണ്ഡലം ചുമതലക്കാര്‍, പോഷക സംഘടനാ ജില്ലാ സംസ്ഥാന ഭാരവാഹികള്‍ എന്നിവര്‍ പങ്കെടുക്കുമെന്ന് ഡി.സി.സി. പ്രസിഡന്റ് എം.ലിജു അറിയിച്ചു.