കൊച്ചി: മുനമ്പം വഴി നടന്നത് മനുഷ്യക്കടത്തല്ലെന്ന് പൊലിസ്. ഇമിഗ്രേഷന്‍ ലംഘിച്ചതിനാലാണ് കെസെടുത്തതെന്നും പൊലിസ് വ്യക്തമാക്കി. നിലവില്‍ മൂന്ന് പേരുടെ അറസ്റ്റാണ് രേഖപ്പെടുത്തിയിട്ടുള്ളത്. സംഭവത്തിലെ മുഖ്യകണ്ണിയായിട്ടുള്ളത് ശ്രിലങ്കന്‍ സ്വദേശിയായ ശ്രീകാന്തനാണ്.

മുനമ്പത്ത് നിന്നുംപോയവരില്‍ ഭൂരിഭാഗം ആളുകളും ശ്രീലങ്കന്‍ ബന്ധമുള്ളവരാണെന്നാണ് പൊലിസ് നിഗമനം. ശ്രീകാന്തന്റെ വീട്ടില്‍ നിന്നും അഞ്ച് പാസ്‌പോര്‍ട്ടുകള്‍ കണ്ടെത്തിയിരുന്നു. ഈ മാസം12 നാണ് കേസിനാസ്പദമായ സംഭവം നടന്നത്. കടല്‍ കടന്ന ആളുകളുടെ എണ്ണം വ്യക്തമല്ല.