മുംബൈ:പാകിസ്താന്‍, ബംഗ്ലാദേശ് എന്നിവിടങ്ങളില്‍ നിന്നുള്ള അനധികൃത കുടിയേറ്റക്കാരെക്കുറിച്ച് വിവരം നല്‍കുന്നവര്‍ക്ക് പാരിതോഷികം പ്രഖ്യാപിച്ച് മഹാരാഷ്ട്ര നവനിര്‍മാണ്‍ സേന. മുംബൈയിലെ വിവിധയിടങ്ങളിലായി പതിച്ചിട്ടുള്ളപോസ്റ്ററുകളില്‍ 5000 രൂപയാണ് പാരിതോഷികമായി പ്രഖ്യാപിച്ചിട്ടുള്ളത്.

മുംബൈയിലെ ബാന്ദ്രയില്‍ പതിച്ച പോസ്റ്ററില്‍ വിവരം നല്‍കുന്നവര്‍ക്ക് 5,555 രൂപയും എം.എന്‍.എസ്സിന്റെ ഔറഗാബാദ് സിറ്റി യൂണിച്ച് ഓഫിസിന് മുന്നില്‍ പതിപ്പിച്ച പോസ്റ്ററില്‍ 5000 രൂപയുമാണ് എം.എന്‍.എസ് പാരിതോഷികം പ്രഖ്യാപിച്ചിരിക്കുന്നത്.

ഇക്കഴിഞ്ഞ ജനുവരി 23ന്് പുതിയ പതാകയും ഹിന്ദുത്വ അജന്‍ഡയുമായി രാജ് താക്കറെയുടെ മഹാരാഷ്ട്ര നവനിര്‍മാണ്‍ സേന സജീവമായി രംഗത്തെത്തിയിരുന്നു.