ചക്കരക്കല്‍: സമൂഹ മാധ്യമങ്ങളില്‍ കണ്ണൂരില്‍ ഇറങ്ങിയ പുലി ആഘോഷമായി. ഇന്നലെ വൈകുന്നേരം മുതല്‍ വാട്‌സ്ആപ്, ഫെയ്‌സ് ബുക്ക് തുടങ്ങിയ മാധ്യമങ്ങളില്‍ പുലിയെക്കുറിച്ചുള്ള വാര്‍ത്തകളും ദൃശ്യങ്ങളും നിമിഷനേരം കൊണ്ട് പരന്നു. കണ്ണൂരിലെ അക്രമരാഷ്ട്രീയവുമായി ബന്ധപ്പെടുത്തി നിരവധി കമന്റുകളും ചിത്രങ്ങളും പലരും ഷെയര്‍ ചെയ്തു. അടുത്ത കാലത്ത് ഇറങ്ങിയ പുലിമുരുകന്‍ എന്ന സിനിമയുടെ ചിത്രവുമായി നിരവധിപേരാണ് രംഗത്തു വന്നത്. നായകന്റെ ചിത്രത്തിന് താഴെ കണ്ണൂരിലേക്ക്  ഞാനില്ല അവിടെ എല്ലാം പുലികളാണ് എന്ന അടിക്കുറിപ്പുമായിഇറങ്ങിയ പോസ്റ്റും നിരവധി പേര്‍ ഷെയര്‍ ചെയ്തു.