ആറ്റിങ്ങല്‍: ഉത്സവപ്പറമ്പില്‍ ഗാനമേളയ്ക്കിടെ പ്രശ്‌നമുണ്ടാക്കിയവരെ വിലക്കാനെത്തിയ  പൊലിസുകാരെ തടഞ്ഞുവച്ച്
ഡ്യൂട്ടി തടസ്സപ്പെടുത്തിയ  കേസില്‍ രണ്ടു യുവാക്കളെ അറസ്റ്റുചെയ്തു. മുദാക്കല്‍ മൈവള്ളി ഏല കുമാര്‍ മന്ദിരത്തില്‍ കിരണ്‍ ദാസ് (24), കൊടുവന്നൂര്‍ ചരുവിള പുത്തന്‍ വീട്ടില്‍ അജി (33) എന്നിവരെയാണ് ആറ്റിങ്ങല്‍ പൊലിസ് അറസ്റ്റു ചെയ്തത്. കഴിഞ്ഞ ദിവസം രാത്രി അയിലം ശിവക്ഷേത്രത്തിലെ ഉത്സവത്തോടനുബന്ധിച്ച് നടന്ന ഗാനമേളയ്ക്കിടയിലായിരുന്നു സംഭവം.