കുന്നംകുളം: കാവിലക്കാട് ഉത്സവത്തിനിടെ ആനയിടഞ്ഞു. കാവിലക്കാട് ക്ഷേത്രത്തിനോട് ചേര്‍ന്ന തെക്കേ ഭാഗത്തു നിന്നും വന്ന ചെറുപുഷ്പം കമ്മിറ്റിക്കാരുടെ ശിവന്‍ എന്ന ആനയാണ് ഇടഞ്ഞത്. പൂരപ്പറമ്പില്‍ ഇടഞ്ഞ ആന പരിഭ്രാന്തി പരത്തി ജനം നാലു പാടും ചിതറിയോടി.
പാപ്പാന്‍മാരുടെ അവസരോചിതമായ ഇടപെടല്‍ ആനയെ പെട്ടന്ന് തളയ്ക്കാന്‍ കഴിഞ്ഞു. ദേശ പൂരങ്ങള്‍ നിരന്ന് കൂട്ടിയെഴുന്നള്ളിപ്പിനിടെയായിരുന്നു ആനയിടഞ്ഞത്. പാപ്പാന്‍മാരുടെ നിയന്ത്രണത്തിലായ ആനയെ പിന്നീട് പുരപറമ്പില്‍ നിന്നും മറ്റൊരു പറമ്പില്‍ കൊണ്ടുപോയി തളച്ചു.