കോഴിക്കോട്: ബാലവേല വിരുദ്ധ വാരാചരണത്തിന്റെ ഭാഗമായി ജില്ലാ ബാലവേല പുനരധിവാസ ക്ഷേമ സൊസൈറ്റിയും തൊഴില്‍ വകുപ്പും ചൈല്‍ഡ്‌ലൈനും സംയുക്തമായി ജില്ലാതല ചിത്രരചനാ മത്സരം നടത്തി. കോഴിക്കോട് ഗവണ്‍മെന്റ് മോഡല്‍ ഹൈസ്‌കൂളില്‍ നടന്ന മത്സരത്തില്‍ നൂറോളം വിദ്യാര്‍ത്ഥികള്‍ പങ്കെടുത്തു. റീജ്യനല്‍ ജോയിന്റ് ലേബര്‍ കമ്മിഷനര്‍ കെ.എം സുനില്‍ ഉദ്ഘാടനം ചെയ്തു. ജില്ലാ ലേബര്‍ ഓഫിസര്‍ കെ.വി വിപിന്‍ലാല്‍ അധ്യക്ഷനായി. ബാലവിരുദ്ധ സന്ദേശവും സമ്മാനദാനവും ഡെപ്യൂട്ടി കലക്ടര്‍ ഷാമിന്‍ സെബാസ്റ്റ്യന്‍ നിര്‍വഹിച്ചു. മിനി.പി, പി.പി സന്തോഷ്‌കുമാര്‍, ബബിത സി.പി, ഷൈജീഷ് എന്‍.വി, അവിനാഷ് സുന്ദര്‍, മുഹമ്മദലി എം.പി, കുഞ്ഞിമോയി സംസാരിച്ചു.