വാരണാസി: മാര്‍ച്ച് എട്ടിനു നടക്കാനിരിക്കുന്ന വാരണാസി തെരഞ്ഞെടുപ്പിന്റെ പ്രചാരണം ചൂടേറുന്നതിനിടെ മോദിയുടെ റോഡ്‌ഷോ പരാജയമെന്ന് വിമര്‍ശിച്ചുകൊണ്ട് അഖിലേഷ് യാദവ് രംഗത്ത്. ഈ റോഡ്‌ഷോയുടെ ഫലം തെരഞ്ഞെടുപ്പിലെ ബി.ജെ.പിയുടെ പരാജയമാണെന്നും അഖിലേഷ് പറഞ്ഞു. സോനഹാബാദിലെ തെരഞ്ഞെടുപ്പ് റാലിയെ അഭിസംബോധന ചെയ്യുന്നതിനിടെയാണ് അഖിലേഷ് മോദിയെ വിമര്‍ശിച്ചത്.

ഇന്ത്യന്‍ എയര്‍ഫോഴ്‌സിന്റെ പ്രത്യേക ഹെലികോപ്റ്ററിലാണ് മോദി റാലിയില്‍ പങ്കെടുക്കാനെത്തിയത്. തുടര്‍ന്ന് ബി.ജെ.പി നേതാക്കളുടെയു പ്രവര്‍ത്തകരുടെയും അകമ്പടിയോടെ ബുള്ളറ്റ്പ്രൂഫ് കാറില്‍ പാണ്‍ഡ്യാപൂര്‍ മേഖലയില്‍ അഞ്ച് കിലോമീറ്റര്‍ മോദി റോഡ്‌ഷോ നടത്തുകയും ചെയ്തിരുന്നു.