കൊറോണ ബാധിത രാജ്യത്തുനിന്ന് മടങ്ങിയ ശേഷം 14 ദിവസം പിന്നിട്ടവരെ മാത്രമേ ഇവരെ രാജ്യത്തേക്ക്  പ്രവേശിക്കാന്‍ അനുവദിക്കുകയുളളൂ. മാത്രമല്ല, സന്ദര്‍ശിച്ച രാജ്യം വെളിപ്പെടുത്തുകയും മെഡിക്കൽ പരിശോധനകൾ പൂർത്തീകരിച്ചു വൈറസ് ബാധയുടെ ലക്ഷണങ്ങളില്ലെന്ന് ഉറപ്പാക്കുകയും വേണം. ഇതിനായി ജി.സി.സി രാഷ്ട്രങ്ങളുമായി ചേര്‍ന്ന് നടപടികള്‍ സ്വീകരിക്കും. അതോടൊപ്പം സഊദി  അറേബ്യയില്‍നിന്ന് മറ്റു ജിസിസി രാജ്യങ്ങളിലേക്ക് പോകുന്നവര്‍ക്കും ഇത് ബാധകമായിരിക്കും.

       സഊദിയിൽ ഇത് വരെ ഒരാൾക്ക് മാത്രമാണ് രോഗബാധ സ്ഥിരീകരിച്ചത്. ഇറാനിൽ നിന്നും ബഹ്‌റൈൻ വഴി സഊദിയിലെത്തിയ സ്വദേശി പൗരനിലാണ് രോഗം സ്ഥിരീകരിച്ചത്.

 

ഇയാളുമായി ഇടപഴകിയ 70 പേരെ നിരീക്ഷണത്തിലാക്കിയിട്ടുണ്ട്. കൂടാതെ, വിമാനത്താവളങ്ങൾ അടക്കമുള്ള മുഴുവൻ പ്രവേശന കവാടങ്ങളിലും കർശന പരിശോധന നടത്തുന്നുണ്ട്.