മങ്കട: വടക്കാങ്ങര മസ്ജിദുല്‍ഫാറൂഖ് മഹല്ല് കമ്മിറ്റിക്ക് കീഴില്‍ നടന്ന മലപ്പുറം ജില്ലാ ഹിഫ്‌ളുല്‍ ഖുര്‍ആന്‍ മത്സരം സമാപിച്ചു. ദാറുല്‍ ഹുദാ യൂനിവേഴ്‌സിറ്റിയിലെ ഹാഫിള് വെള്ളില മുനീര്‍  ഒന്നാം സ്ഥാനം നേടി. എടവണ്ണപ്പാറ റഷീദിയ്യ കോളജിലെ അബ്ദുല്‍ വഹാബ്, മമ്പുറം ഹിഫ്‌ള് കോളജിലെ ഖമറുസ്സമാന്‍ എന്നിവര്‍ യഥാക്രമം രണ്ടും മൂന്നും സ്ഥാനം കരസ്ഥമാക്കി.  കെ.പി അബു ഹാജി സ്മാരക ട്രോഫിയും ക്യാഷ് അവാര്‍ഡും സമസ്ത ജനറല്‍ സെക്രട്ടറി കെ ആലിക്കുട്ടി മുസ്‌ലിയാര്‍ വിതരണം ചെയ്തു. കെ.കെ ആബിദ് ഹുസൈന്‍ തങ്ങള്‍ എം.എല്‍.എ, കാളാവ് സൈദലവി മുസ്‌ലിയാര്‍, അയ്യൂബ് സഖാഫി പള്ളിപ്പുറം,   വി അലി അക്ബര്‍ ഫൈസി, ഹൈദരലി വാഫി ഇരിങ്ങാട്ടിരി, ഹാഫിള് ഖലീല്‍ വാഫി, ഹാഫിള് മുഹമ്മദ് അസദ് സര്‍ഹിന്ദി, ഹാഫിള് മുഹമ്മദ്, സാബിത്,  യഹ്‌യ ഫൈസി ചെമ്മലശ്ശരി, സൈദ് ഫൈസി, മുഹമ്മദ് മാസ്റ്റര്‍, സൈനുല്‍ ആബിദ് വാഫി, ഇസ്ഹാഖ് വാഫി, കെ.പി അബൂബക്കര്‍ ഹാജി തുടങ്ങിയവര്‍ സംസാരിച്ചു. മഹല്ലിലെ  പൂര്‍വ അധ്യാപകരായ കുട്ടി മുസ്‌ലിയാര്‍, അബ്ദു മുസ്‌ലിയാര്‍ എന്നിവരെ ചടങ്ങില്‍ ആദരിച്ചു.