പട്ടിക്കാട്: കീഴാറ്റൂര്‍ പഞ്ചായത്തില്‍ നവീകരിച്ച കിഴക്കേകുന്ന്പള്ളിപ്പടി കണ്ണ്യാല റോഡ് അഡ്വ. എം ഉമ്മര്‍ എം.എല്‍.എ ഉദ്ഘാടനം ചെയ്തു. എം.എല്‍.എയുടെ പ്രാദേശിക വികസന ഫണ്ടില്‍ നിന്നു 45 ലക്ഷം രൂപ വകയിരുത്തിയാണ് പദ്ധതി യാതാര്‍ഥ്യമാക്കിയത്. പി അബ്ദുല്‍ ഹമീദ് എം.എല്‍.എ, വി ഹംസ, കെ നിസാര്‍ മാസ്റ്റര്‍, പഞ്ചായത്ത് വൈ. പ്രസിഡന്റ് കെ.ടി ഖദീജ, ബ്ലോക്ക് പഞ്ചായത്തംഗം സമീറ ചക്കരതൊടി, പഞ്ചായത്തംഗം സമീറ ഹാരിസ്, എന്‍ സുരേന്ദ്രന്‍, എം സൈനുദ്ദീന്‍, റാഫി പറമ്പൂര്‍, ഉസ്മാന്‍ കൊമ്പന്‍ പങ്കെടുത്തു.
പട്ടിക്കാട്: കീഴാറ്റൂര്‍ പതിനേഴാം വാര്‍ഡില്‍ നവീകരിച്ച അരിക്കണ്ടംപാക്ക് തെച്ചിക്കുന്ന് റോഡ് ഗതാഗതത്തിന് തുറന്നു കൊടുത്തു. ഗ്രാമപഞ്ചായത്ത് അനുവദിച്ച അഞ്ചുലക്ഷം രൂപ ചെലവഴിച്ചാണ് ടാറിങ്, കോണ്‍ക്രീറ്റ് പണികള്‍ പൂര്‍ത്തീകരിച്ചത്. പഞ്ചായത്തംഗം ചോലക്കല്‍ ബഷീര്‍ ഉദ്ഘാടനം ചെയ്തു. ടി മുരളി അധ്യക്ഷനായി. ജയന്‍, പി ജയരാജന്‍, നാരായണന്‍ നമ്പൂതിരി, പി ജിതീഷ് , മനോജ്, സി. ലിജിത്ത്, പി ഹരി, പി ശ്രീനിവാസന്‍ സംസാരിച്ചു.