താനൂര്‍: കഴിഞ്ഞ മാസം ഉണ്യാല്‍ ഫുട്ബാള്‍ ഗ്രൗണ്ടില്‍ വെച്ചുണ്ടായ സംഘര്‍ഷത്തില്‍ വെട്ടികൊലപ്പെടുത്താന്‍ ശ്രമിച്ച കേസില്‍ അഞ്ചു പേര്‍ അറസ്റ്റില്‍. ഹാജിക്കാന്റെ പുരക്കല്‍ ഇര്‍ഷാദ്(20)അലിഹാജിന്റെ പുരക്കല്‍ ഖലീല്‍(20)ബീരിച്ചിന്റെ പുരക്കല്‍ ഉനൈസ്(19)പള്ളിനാന്റെ പുരക്കല്‍ സാബിര്‍(22)പള്ളിമാന്റെ പുരക്കല്‍ അക്ബര്‍(22) എന്നിവരാണു പിടിയിലായത്. ഇന്നലെ പുലര്‍ച്ചെ താനൂര്‍ റെയില്‍വേ സ്റ്റേഷന്‍ പരിസരത്തു വെച്ചാണു പ്രതികളെ പിടികൂടാനായത്. പ്രതികള്‍ വയനാട്ടിലേക്കു രക്ഷപ്പെടാനൊരുങ്ങുന്നതിനിടെ രഹസ്യ വിവരത്തെ തുടര്‍ന്നു സി.ഐ സി അലവിയും സംഘവുമായിരുന്ന പ്രതികളെ വലയിലാക്കിയത്. ഫെബ്രു ആറിനു പുലര്‍ച്ച മൂന്നിനാണു ഉണ്യാല്‍ ഫിഷറീസ് ഗ്രൗണ്ടില്‍ കേസിനാസ്പദമായ സംഭവമുണ്ടായത്. അക്രമത്തിലെ മുഖ്യ പ്രതിയാണെന്നു കരുതുന്ന കുഞ്ഞാലകത്ത് ഖാദറിനെ ഫെബ്രുവരി 17നു അറസ്റ്റ് ചെയ്തിരുന്നു.