പാലക്കാട്: വാളയാര്‍ പെണ്‍കുട്ടികളുടെ മരണവുമായി ബന്ധപ്പെട്ട കേസില്‍ പ്രതിക്കുവേണ്ടി ഹാജരായ പാലക്കാട് ചൈല്‍ഡ് വെല്‍ഫയര്‍ കമ്മിറ്റി(സി.ഡബ്ല്യൂ.സി) ചെയര്‍മാന്‍ അഡ്വ.എന്‍. രാജേഷിനെ സ്ഥാനത്ത് നിന്ന് പുറത്താക്കി. ഇദ്ദേഹം നേരത്തെ തന്നെ രാജിക്കത്ത് നല്‍കിയിരുന്നു.

കുട്ടികളുമായി ബന്ധപ്പെട്ട കമ്മിറ്റികളിലൊന്നും രാജേഷിനെ ഉള്‍പ്പെടുത്തരുതെന്നും സാമൂഹ്യനീതി വകുപ്പ് നിര്‍ദ്ദേശം നല്‍കിയിട്ടുണ്ട്. പെണ്‍കുട്ടികളുടെ മരണവുമായി ബന്ധപ്പെട്ട കേസില്‍ ഇയാള്‍ പ്രതിക്കുവേണ്ടി ഹാജരായത് വലിയ വിവാദമായിരുന്നു. തുടര്‍ന്ന് സാമൂഹ്യനീതി ഡയറക്ടര്‍ അന്വേഷണം ആരംഭിച്ചിരുന്നു. സംഭവം വിവാദമായതോടെ ചെയര്‍മാന്‍ സ്ഥാനത്തുനിന്നും രാജേഷിനെ സസ്‌പെന്‍ഡ് ചെയ്തു.