തിരുവനന്തപുരം: കേരളത്തിലേയ്ക്ക് ഒഴുകിയെത്തുന്ന ഇതര സംസ്ഥാന തൊഴിലാളികളില്‍ ഏറെയും ക്രിമിനലുകള്‍. ഇവിടെ പരിശോധനയോ മറ്റു നടപടികളോ ഇല്ലാത്തതിലാണ് കേരളം തെരഞ്ഞെടുത്തിരിക്കുന്നത്. ജിഷയുടെ കൊലയാളിയെ പിടികൂടിയതോടെ നിയമം കര്‍ശനമാക്കാന്‍ ഒരുങ്ങുകയാണ് പൊലിസ്. ഏതാണ്ട് 25ലക്ഷം ഇതരസംസ്ഥാന തൊഴിലാളികള്‍ കേരളത്തിലുണ്ടെന്നാണ് അനൗദ്യോ
ഗിക കണക്ക്. എന്നാല്‍ പൊലിസിന്റെ കണക്കില്‍ വെറും 55000 പേര്‍ എന്നാണ്.

തൊഴില്‍ വകുപ്പിലോ പൊലിസിലോ വ്യക്തമായ കണക്കില്ല. കഴിഞ്ഞ അഞ്ചു വര്‍ഷത്തിനിടയില്‍ 1,770 കേസുകളാണ് പൊലിസ് രജിസ്ട്രര്‍ ചെയ്തിട്ടുള്ളത്. എന്നാല്‍ പ്രതിയെ കിട്ടാതെ ഉപേക്ഷിച്ചതില്‍ ഇതിന്റെ നാലിരട്ടി കേസ് വരും. കൊലപാതകം, കവര്‍ച്ച, കള്ളനോട്ട്, ലഹരി വസ്തുക്കള്‍ വിതരണം എന്നിവയിലാണ് കേസുകള്‍ രജിസ്ട്രര്‍ ചെയ്തിട്ടുള്ളത്. കോട്ടയത്ത് ഒരു കുടുംബത്തിലെ മൂന്നു പേരെ കൊന്നതും ആലപ്പുഴയില്‍ ഒരു കള്ളുഷാപ്പു തൊഴിലാളിയെ കൊന്ന് ഫ്രിഡ്ജിനുള്ളില്‍ ഒളിപ്പിച്ചതും ഇതരസംസ്ഥാന ക്രിമിനല്‍ തന്നെ.

ബംഗ്ലാദേശില്‍നിന്നു വ്യാജ പാസ്‌പോര്‍ട്ടില്‍ ഇന്ത്യയിലെത്തി അവിടെ നിന്നു കേരളത്തില്‍ ഒളിവില്‍ താമസിച്ചാണ് അസന്മാര്‍ഗിക പ്രവൃത്തി ചെയ്യുന്നത്. പാകിസ്ഥാനില്‍ നിന്നെത്തുന്ന കള്ളനോട്ട് ഇതരസംസ്ഥാന തൊഴിലാളികള്‍ വഴിയാണ് വിതരണം ചെയ്യുന്നതെന്ന് എന്‍.ഐ.എ തന്നെ കണ്ടെത്തിയിരുന്നു.

കേന്ദ്ര ഇന്റലിജന്‍സും സംസ്ഥാന ഇന്റലിജന്‍സും നിരവധി തവണ സര്‍ക്കാരിന് നിര്‍ദേശം നല്‍കിയെങ്കിലും ഇവരെ നിരീക്ഷിക്കാന്‍ ഏതൊരു വിധ സംവിധാനവും ഉണ്ടാക്കിയിട്ടില്ല. ജിഷയുടെ മരണത്തിനു ശേഷം പുതുതായി ചാര്‍െജടുത്ത ഡി.ജി.പി ലോക്‌നാഥ് ബഹ്‌റ എല്ലാ സ്‌റ്റേഷനുകള്‍ക്ക് കീഴിലുള്ള ഇതരസംസ്ഥാന തൊഴിലാളികളുെട കണക്കെടുക്കാന്‍ നിര്‍ദേശം നല്‍കാനുള്ള നടപടി പൊലിസ് ആസ്ഥാനത്ത് സ്വീകരിച്ചു വരികയാണ്.

ഇതരസംസ്ഥാന തൊഴിലാളികള്‍ നടത്തിയ പൊലിസ് രജിസ്ട്രര്‍ ചെയ്ത കേസില്‍ ഏറ്റവും മുന്നില്‍ എറണാകുളും ജില്ലയാണ്.

ജില്ലതിരിച്ച്

തിരുവനന്തപുരം -92
കൊല്ലം - 81
പത്തനംതിട്ട - 85
ആലപ്പുഴ -78
കോട്ടയം-88
ഇടുക്കി - 28
എറണാകുളം -660
തൃശൂര്‍ - 68
പാലക്കാട് -34
മലപ്പുറം -240
കോഴിക്കേട് -132
വയനാട് -5
കാസര്‍ഗോഡ് - 21

റെയില്‍വേ പൊലിസ് -101

ഇത് പൊലിസ് രജിസ്ട്രര്‍ ചെയ്ത കേസുകള്‍ മാത്രം. ഇതിന്റെ നാലിരട്ടി കേസുകളാണുള്ളത്. എന്നാല്‍ പ്രതികളെ കിട്ടാത്തതിനാല്‍ പല സ്‌റ്റേഷനുകളും കേസുകള്‍ എഴുതി തള്ളുകയാണ് ചെയ്യുന്നത്. ഇതുകൂടാതെ ഇവര്‍ താമസിക്കുന്ന ലേബര്‍ ക്യാമ്പുകളിലും തമ്മിലടിയും കൊലയും നടന്നിട്ടുണ്ട്. എന്നാല്‍ ഇരു ചെവിയറാതെ ഏജന്റന്മാര്‍ ഒതുക്കുകയാണ് ചെയ്യുന്നത്.