വാഷിങ്ടണ്‍: യു.എസ് പ്രസിഡന്റ് തെരഞ്ഞെടുപ്പ് മത്സര രംഗത്ത് നിന്ന് സെനറ്റര്‍ എലിസബത്ത് വാറന്‍ പിന്മാറിയതോടെ ട്രംപ് - ജോ ബൈഡന്‍ മല്‍സരത്തിന് സാധ്യത ഏറി. സൂപ്പര്‍ ചൊവ്വയിലെ മോശം പ്രകടനത്തെ തുടര്‍ന്നായിരുന്നു വാറന്റെ പിന്മാറ്റം. ഡെമോക്രാറ്റിക് പ്രൈമറി (ഉള്‍പാര്‍ട്ടി) തെരഞ്ഞെടുപ്പുകളില്‍ ആദ്യഘട്ടത്തില്‍ മുന്നേറിയ വാറന്‍ പിന്നീട് പിന്തള്ളപ്പെടുകയായിരുന്നു. ഇതോടെ ഡെമോക്രാറ്റിക് പ്രസിഡന്റ് സ്ഥാനാര്‍ഥി ആകാനുള്ള മല്‍സരം ബേണി സാന്‍ഡേഴ്‌സും ജോ ബൈഡനും തമ്മിലായി. ഇതില്‍ ജോ ബൈഡനാണ് സാധ്യത കൂടുതല്‍. സൂപ്പര്‍ ചൊവ്വ മല്‍സരത്തില്‍ ജോ ബൈഡന്‍ ശക്തമായ മുന്നേറ്റം നടത്തിയിരുന്നു. 1355 ഡെലിഗേറ്റുകളിലെ ഫലം പുറത്തുവന്നപ്പോല്‍ 637ല്‍ നിന്നുമുള്ള പിന്തുണ നേടി ബൈഡന്‍ ഏറെ മുന്നിലാണ്.