പള്ളിക്കര: സമസ്ത കേരള ജംഇയ്യത്തുല്‍ മുഅല്ലിമീന്‍ എറണാകുളം ജില്ലാ കലാമേള മൂന്നിന് പറക്കോട് മുനവ്വിറുല്‍ ഇസ്്‌ലാം മദ്‌റസയില്‍ വച്ച് നടത്താന്‍ തീരുമാനിച്ചു. സ്വാഗത സംഘം രൂപീകരണ യോഗത്തില്‍ സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ്് ഇസ്മാഈല്‍ ഫൈസി വണ്ണപ്പുറം അധ്യക്ഷനായി.
സമസ്ത കേന്ദ്ര മുശാവറ അംഗം ഇ.എസ് ഹസന്‍ ഫൈസി ഉദ്ഘാടനം ചെയ്തു. മഹല്ല് ഖത്തീബ് മുസ്തഫ ദാരിമി പ്രാര്‍ഥന നടത്തി. ജനറല്‍ സെക്രട്ടറി അബ്ദുല്‍ സമദ് ദാരിമി സ്വാഗതം ആശംസിച്ചു.ട്രഷറര്‍ കെ.എം യൂസുഫ് മാസ്റ്റര്‍ വിഷയാവതരണം നടത്തി.
സ്വാഗതസംഘം ചെയര്‍മാനായി എം.എസ് അലിയാരിനെയും ജനറല്‍ കണ്‍വീനറായി കെ.എം യൂസഫ് മാസ്റ്ററെയും ഖജാന്‍ജി ആയി പെരിങ്ങാല സിദ്ദീഖ് ഹാജിയെയും തിരഞ്ഞെടുത്തു. വിവിധ സബ് കമ്മിറ്റികളും തിരഞ്ഞെടുത്തു. വി.കെ മുഹമ്മദ് ദാരിമി, എസ്.കെ.എം.എം.എ ജില്ലീ പ്രസിഡന്റ് ടി.എ ബഷീര്‍ ജനറല്‍ സെക്രട്ടറി സിയാദ് ചെമ്പറക്കി, എസ്.എം.എഫ് ജില്ല പ്രസിഡന്റ് ബക്കര്‍ ഹാജി,എസ്.വൈ.എസ് ജില്ല പ്രസിഡന്റ് എന്‍.കെ മുഹമ്മദ് ഫൈസി, ജില്ല ഖുര്‍ആന്‍ സ്റ്റഡി സെന്റര്‍ പ്രസിഡന്റ് എം.എം അബുബക്കര്‍ ഫൈസി, എസ്.കെ.എസ്.എസ്.എഫ് ജില്ലാ പ്രസിഡന്റ് അബ്ദുല്‍ ഖാദര്‍ ഹുദവി, ജനറല്‍ സെക്രട്ടറി സിദ്ധീഖ് കുഴിവേലിപ്പടി, ജംഇയ്യത്തുല്‍ മുഅല്ലിമീന്‍ ജില്ലാ കൗണ്‍സില്‍ അംഗങ്ങള്‍ പൗരപ്രമുഖര്‍ പെരിങ്ങാല റേഞ്ച് ജംഇയ്യത്തുല്‍ മുഅല്ലിമീന്‍ അംഗങ്ങള്‍ എന്നിവര്‍ പങ്കെടുത്തു.