തൃശൂര്‍: ജില്ലയില്‍ എസ്.എസ്.എല്‍.സി., എച്ച്.എസ്.എസ്., വി.എച്ച്.എസ്.ഇ പരീക്ഷകള്‍ ഇന്ന് ആരംഭിക്കും. ഇരിങ്ങാലക്കുട, തൃശൂര്‍, ചാവക്കാട് വിദ്യാഭ്യാസ ജില്ലകളില്‍ നിന്നായി എസ്.എസ്.എല്‍.സിയ്ക്ക് 40359 പേര്‍ പരീക്ഷ എഴുതും. 19567 ആണ്‍കുട്ടികളും 18914 പെണ്‍കുട്ടികളുമാണ് പരീക്ഷ എഴുതുന്നത്. ഇതരശേഷിയുളള 1878 കുട്ടികളും പരീക്ഷയ്ക്കുണ്ട്. 2721 ഇന്‍വിജിലേറ്റര്‍മാരെയാണ് ജില്ലയിലെ 263 പരീക്ഷാ കേന്ദ്രങ്ങളിലേക്ക് ചുമതലപ്പെടുത്തിയിട്ടുളളത്. 36 വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ നിന്ന് 2640 പേര്‍ ഒന്നാം വര്‍ഷ പരീക്ഷക്കും 2673 പേര്‍ രണ്ടാം വര്‍ഷ പരീക്ഷ എഴുതുന്നുണ്ട്. ഹയര്‍ സെക്കന്‍ഡറി വിഭാഗത്തില്‍ 203 കേന്ദ്രങ്ങളിലായി 82074 കുട്ടികള്‍ പരീക്ഷ എഴുതും. 40188 ഒന്നാം വര്‍ഷക്കാരും 41886 രണ്ടാം വര്‍ഷക്കാരുമാണ് പരീക്ഷ എഴുതുന്നുത്.