പാലക്കാട് : സമസ്തയുടെ ഒരുനൂറ്റാണ്ട് കാലത്തെ പ്രവര്‍ത്തനകാലയളവ് കേരള നവോഥാനത്തിന്റെ സുവര്‍ണകാലമാണെന്ന് മദ്്‌റസാ മാനേജ്‌മെന്റ് അസോസിയേഷന്‍ കിഴക്കന്‍മേഖലാ കണ്‍വന്‍ഷന്‍ പ്രമേയത്തില്‍ പറഞ്ഞു. സമൂഹത്തെ ആത്മീയമായും ഭൗതികമായും മുന്നോട്ടുനയിച്ച സമസ്തയുടെ ദീര്‍ഘവീക്ഷണമുള്ള നേതാക്കള്‍ വിശ്വാസികളുടെ ഭാഗ്യമാണെന്നും യോഗം ചൂണ്ടിക്കാട്ടി. അറിവില്ലായ്മയുടെ ഇരുട്ടില്‍ നിന്നും സാമൂഹ്യപരമായും സാംസ്‌ക്കാരികമായും ജനങ്ങളെ വെളിച്ചത്തിലേക്ക് നയിക്കുന്നതില്‍ സമസ്തയുടെ പങ്ക് ഏറെ വലുതാണെന്ന് നേതാക്കള്‍ വ്യക്തമാക്കി. ഫെബ്രുവരി 7 മുതല്‍ 10 വരെ വല്ലപ്പുഴയില്‍ നടക്കുന്ന സമസ്ത ജില്ലാ സമ്മേളനം വിജയിപ്പിക്കാന്‍ കണ്‍വന്‍ഷന്‍ തീരുമാനിച്ചു.
മുഫത്തിഷ് ടി.പി അബൂബക്കര്‍ മുസ്‌ലിയാര്‍ കണ്‍വന്‍ഷന്‍ ഉദ്ഘാടനം ചെയ്തു.
സൈനുദ്ദീന്‍ മന്നാനി അധ്യക്ഷനായി. പി.എം യൂസഫ് പത്തിരിപ്പാല സ്വാഗതം പറഞ്ഞു. ഹാജി സാദാലിയാഖത്തലി ഖാന്‍ വിഷയാവതരണം നടത്തി. മുബല്ലിഅ് ഇ.വി ഖാജാദാരിമി മുഖ്യപ്രഭാഷണം നടത്തി. എം.എം ഹമീദ്, യു. അലി ഹസനി, താജുദ്ദീന്‍ മാസ്റ്റര്‍, ശോഭ അബൂബക്കര്‍ഹാജി, ഖമറുദ്ധീന്‍, ശാഹുല്‍ഹമീദ് ഫൈസി, അബ്ദുസ്സലാം, ജബ്ബാര്‍ ഹാജി, അബ്ദുല്‍അസീസ്, ഗഫൂര്‍ മേപ്പറമ്പ്, തമീം, റഷീദ് ഉലൂമി, സൈഫുദ്ധീന്‍, സജീര്‍ പേഴുങ്കര പ്രസംഗിച്ചു. ഹസന്‍പുത്തരിപ്പാടം നന്ദി പറഞ്ഞു.