ഹിദായ നഗര്‍: സമൂഹ നിര്‍മിതിയുടെ പ്രഭവകേന്ദ്രങ്ങളാണ് മഹല്ലുകളെന്നും അവിടെ നിന്നാണ് സമുദായ ശാക്തീകരണമാരംഭിക്കേണ്ടതെന്നും സുന്നി മഹല്ല് ഫെഡറേഷന്‍ സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍. എസ്.എം.എഫിന്റെ സംസ്ഥാന ഉമറാ കോണ്‍ഫറന്‍സ് ഉദ്ഘാടനം ചെയ്ത് സംസാരിക്കുകയായിരുന്നു തങ്ങള്‍. വലിയ ഉത്തരവാദിത്വമാണ് മഹല്ല് നേതൃത്വത്തിനുള്ളതെന്നും സാമൂഹിക ശാക്തീകരണത്തിനു വേണ്ടി പണ്ഡിതരും സാമൂഹിക നേതാക്കളും യോജിച്ചു പ്രവര്‍ത്തിക്കണമെന്നും തങ്ങള്‍ പറഞ്ഞു.