നാഷണല്‍ ഇന്‍സ്റ്റിറ്റ്യൂട്ട് ഓഫ് ടെകേ്‌നാളജി (എന്‍.ഐ.ടി.) എം.സി.എ. കോഴ്‌സ് പ്രവേശനത്തിനായി നടത്തുന്ന പരീക്ഷ എന്‍.ഐ.എം.സി.ഇ.ടി. (നിംസെറ്റ്) ഈ മാസം 31 വരെ www.nimcet.in എന്ന വെബ്‌സൈറ്റ് വഴി നല്‍കാം. അഗര്‍ത്തല, അലഹാബാദ്, ഭോപാല്‍, കോഴിക്കോട്, ജംഷേദ്പുര്‍, കുരുക്ഷേത്ര, റായ്പുര്‍, സൂറത്കല്‍, തിരുച്ചിറപ്പള്ളി, വാറങ്കല്‍ എന്‍.ഐ.ടി.കളിലെ എം.സി.എ. പ്രോഗ്രാം ഇതിന്റെ പരിധിയില്‍വരും.
മൂന്നുവര്‍ഷം ദൈര്‍ഘ്യമുള്ള ഫുള്‍ടൈം പ്രോഗ്രാമിലൂടെ മാത്തമാറ്റിക്‌സ്, സ്റ്റാറ്റിസ്റ്റിക്‌സ് ഒരു വിഷയമായി നേടിയ ബി.എസ്.സി, ബി.എസ്.സി (ഓണേഴ്‌സ്), ബി.സി.എ, ബി.ഐ.ടി, ബി.വൊക് (കംപ്യൂട്ടര്‍ സയന്‍സ്, കംപ്യൂട്ടര്‍ ആപ്ലിക്കേഷന്‍) എന്നിവയിലൊന്നുള്ളവര്‍, (യു.ജി.സി, എ.ഐ.സി.ഇ.ടി.ഡിസ്റ്റന്‍സ് എജ്യുക്കേഷന്‍ കൗണ്‍സില്‍ എന്നിവ അംഗീകരിച്ച ഓപ്പണ്‍ സര്‍വകലാശാലാ ബിരുദമുള്‍പ്പെടെ) ബി.ഇ, ബി.ടെക്. യോഗ്യതയുള്ളവര്‍ എന്നിവര്‍ക്ക് അപേക്ഷിക്കാം.
കുറഞ്ഞത് 60 ശതമാനം മാര്‍ക്ക് 10 പോയന്റ് സ്‌കെയിലില്‍ 6.5 സി.ജി.പി.എ.വേണം. സെപ്റ്റംബര്‍ 15-നകം യോഗ്യത തെളിയിക്കാനാവുന്നവര്‍ക്കും അപേക്ഷിക്കാം.
മേയ് 31-ന് രാവിലെ 10 മുതല്‍ 12 വരെയാണ് പരീക്ഷ.
ഫലപ്രഖ്യാപനം ജൂണ്‍ 14-ന് പ്രതീക്ഷിക്കാം. കോഴിക്കോട് എന്‍.ഐ.ടി.യില്‍ 58 സീറ്റുണ്ട്. എല്ലാ സീറ്റും അഖിലേന്ത്യാതലത്തിലാണ് നികത്തുന്നത്. ഇവിടെ ഓപ്പണ്‍ സീറ്റുകള്‍ 22 ആണ്.