കണ്ണൂര്‍: തളാപ്പില്‍ ബി.ജെ.പി നേതാവ് വെട്ടേറ്റ് ഗുരുതരാവസ്ഥയില്‍. കണ്ണൂര്‍ മണ്ഡലം വൈസ് പ്രസിഡന്റ് സുശീല്‍കുമാറിനാണ് (48) വെട്ടേറ്റത്.

ഇന്ന്‌ രാത്രി 8.30ഓടെ തളാപ്പ് ഭജന്‍മുക്കില്‍ വച്ച് മൂന്നു ബൈക്കുകളിലെത്തിയ സംഘമാണു വെട്ടിപ്പരുക്കേല്‍പ്പിച്ചതെന്നു പൊലിസ് പറഞ്ഞു. കൈക്കും കാലിനും വയറിനുമാണു പരുക്കേറ്റത്. വെട്ടേറ്റ് ഇരുകാലുകളും അറ്റുതൂങ്ങിയ നിലയിലാണ്.

സ്വകാര്യ ആശുപത്രിയില്‍ പ്രാഥമിക ശുശ്രൂഷയ്ക്കു ശേഷം തലശ്ശേരി ഇന്ദിരാഗാന്ധി ആശുപത്രിയില്‍ എത്തിച്ച സുശീല്‍ കുമാറിനെ പിന്നീടു കോഴിക്കോട് ബേബി മെമ്മോറിയില്‍ ആശുപത്രിയിലേക്കു മാറ്റി. വിവരമറിഞ്ഞ് ടൗണ്‍ പ്രിന്‍സിപ്പല്‍ എസ്.ഐ എ.പി കുട്ടികൃഷ്ണന്റെ നേതൃത്വത്തിലുള്ള പൊലിസ് സ്ഥലത്തെത്തി.