രാജ്‌കോട്ട്: രജ്ഞിട്രോഫി ഫൈനലില്‍ ബംഗാളിനെതിരേ അര്‍പിത് വാസവാദയുടെ സെഞ്ചുറിയുടെ കരുത്തില്‍ സൗരാഷ്ട്രക്ക് മികച്ച സ്‌കോര്‍. രണ്ട@ാം ദിനം സ്റ്റംമ്പെടുക്കുമ്പോള്‍ ഒന്നാമിന്നിങ്‌സില്‍ എട്ട് വിക്കറ്റ് നഷ്ടത്തില്‍ 384 റണ്‍സാണ് സൗരാഷ്ട്രയുടെ സമ്പാദ്യം. അര്‍പിതിന് പുറമെ ഇന്ത്യന്‍ താരം ചേതേശ്വര്‍ പൂജാരയുടെ (66) അര്‍ധ സെഞ്ചുറിയുമാണ് സൗരാഷ്ട്രക്ക് മികച്ച സ്‌കോര്‍ സമ്മാനിച്ചത്.
അഞ്ചിന് 206 എന്ന നിലയില്‍ രണ്ട@ാം ദിനം പുനരാരംഭിച്ച സൗരാഷ്ട്രക്ക് വേ@ണ്ടി 142 റണ്‍സിന്റെ ആറാം വിക്കറ്റ് കൂട്ട് കെട്ട് തീര്‍ത്താണ് പൂജാരയും അര്‍പിത് വാസവാദയും പിരിഞ്ഞത്. രണ്ട@ാം ദിനം ബംഗാളിന് മൂന്ന് സൗരാഷ്ട്ര ബാറ്റസ്മാന്മാരെ മാത്രമാണ് വിക്കറ്റിന് മുന്നില്‍ കുടുക്കാനായത്.
287 പന്തില്‍ 11 ഫോറുകള്‍ സഹിതം 106 റണ്‍സാണ് അര്‍പിത് നേടിയത്. ഒന്നാം ദിനം ശാരീരികാസ്വസ്ഥ്യത കാരണം ക്രീസ് വിട്ട പൂജാര പൊരുതി നിന്നാണ് അര്‍ധ സെഞ്ചുറി കുറിച്ചത്.
66 റണ്‍സ് നേടാന്‍ 237 പന്ത് നേരിട്ട പൂജാരയുടെ ഇന്നിങ്‌സ് അഞ്ച് ഫോറുകള്‍ മത്രം ഉള്‍കൊള്ളുന്നതായിരുന്നു. അര്‍പിതിനും പൂജാരക്കും പുറമെ പ്രേരക് മങ്കാദാണ് ഇന്നലെ പുറത്തായ മറ്റൊരു ബാറ്റസ്മാന്‍. 13 റണ്‍സ് വീതം നേടിയ ചിരാഗ് ജനിയും ധര്‍മേന്ദ്ര സിങ് ജഡേജയുമാണ് ഇപ്പോള്‍ ക്രീസില്‍.
നേരത്തെ ഒന്നാം ദിനം ആവി ഭരതും(54) വിശ്വരാജ് ജഡേജയും(54) സൗരാഷ്ട്രക്ക് വേണ്ട@ി അര്‍ധ സെഞ്ചുറി നേടിയിരുന്നു. ബംഗാളിന് വേ@ണ്ടി ആകാശ് ദീപ് മൂന്നും ശഹബാസ് അഹ്മദും മുകേഷ് കുമാറും ര@ണ്ട് വീതവും ഇഷാന്‍ പോറല്‍ ഒന്നും വിക്കറ്റ് വീഴ്ത്തി.