കൊട്ടിയം: യുവാക്കള്‍ തമ്മിലുണ്ടായ സംഘര്‍ഷത്തിനിടെ ഒരാള്‍ക്ക് വെട്ടേറ്റു. കണ്ണനല്ലൂര്‍ വടക്കേ മൈലക്കാട് മുല്ലവിളവീട്ടില്‍ ബിനോജിനാ(24)ണ് പരുക്കേറ്റത്. കാലിനും കൈകള്‍ക്കും സാരമായ മുറിവേറ്റ ഇയാള്‍ തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. കൊട്ടിയത്ത് ബാറിലുണ്ടായ സംഘര്‍ഷമാണ് ആക്രമണത്തില്‍ കലാശിച്ചത്. ബിനോജും സുഹൃത്തുക്കളും ചേര്‍ന്ന് ആനക്കുഴിയില്‍ യുവാക്കളെ പിന്‍തുടര്‍ന്ന് എത്തിയപ്പോഴാണ് മറുവിഭാഗം ആക്രമണം നടത്തിയതെന്ന് പൊലിസ് പറഞ്ഞു. പൊലിസ് കേസെടുത്ത് അന്വേഷണം ആരംഭിച്ചു.