ന്യൂഡല്‍ഹി: വിവാദ നടപടിയില്‍ ആസ്‌ത്രേലിയന്‍ നായകന്‍ സ്റ്റീവന്‍ സ്മിത്തിനെതിരേ നടപടിയില്ലെന്ന് ഐ.സി.സി. അതേസമയം അമ്പയര്‍മാര്‍ക്കെതിരേ തര്‍ക്കിച്ച വിരാട് കോഹ്‌ലിക്കെതിരേയും നടപടിയില്ലെന്നും ഐ.സി.സി പ്രസ്താവനയില്‍ വ്യക്തമാക്കി.
മത്സരത്തില്‍ നടന്നതൊന്നും ഗൗരവമായി എടുക്കുന്നില്ലെന്നും ഐ.സി.സി ചീഫ് എക്‌സിക്യൂട്ടീവ് ഡേവിഡ് റിച്ചാര്‍ഡ്‌സന്‍ പറഞ്ഞു. അതേസമയം ഐ.സി.സിയുടെ തീരുമാനത്തിനെതിരേ ഇന്ന് അപ്പീല്‍ നല്‍കുമെന്ന് ബി.സി.സി.ഐ വ്യക്തമാക്കി. അപ്പീലില്‍ കോച്ചിന്റെയും ക്യാപ്റ്റന്റെയും റിപ്പോര്‍ട്ടുകള്‍ ബി.സി.സി.ഐ സമര്‍പ്പിക്കും.അമ്പയര്‍മാരുടെ റിപ്പോര്‍ട്ട് പരിശോധിച്ച ശേഷമാണ് അപ്പീല്‍ പരിഗണിക്കുക.
സംഭവത്തില്‍ ഐ.സി.സി മാച്ച് റഫറി ക്രിസ് ബോര്‍ഡിന് ബി.സി.സി.ഐ കത്തയച്ചിട്ടുണ്ട്.