ചെങ്ങന്നൂര്‍ : സെന്റ് തോമസ് മലങ്കര കത്തോലിക്കാ പള്ളിയില്‍ വിശുദ്ധ തോമാശ്ലീഹായുടെ തിരുനാള്‍ ആഘോഷം 26 മുതല്‍ ജൂലൈ മൂന്നുവരെ വിവിധ ചടങ്ങുകളോടെ നടക്കും.
26ന് രാവിലെ എട്ടിനു വിശുദ്ധ കുര്‍ബ്ബാനയ്ക്ക് ശേഷം കൊടിയേറ്റ്, ഭക്തസംഘടനകളുടെ വാര്‍ഷികം എന്നിവ നടക്കും.
തുടര്‍ന്നുള്ള ദിവസങ്ങളില്‍ രാവിലെ 6.30 മുതല്‍ വിശുദ്ധ കുര്‍ബ്ബാന തുടര്‍ന്ന് ധ്യാനം, സമൂഹബലി എന്നിവ നടക്കും. ജൂലൈ രണ്ടിനു വൈകിട്ട് അഞ്ചിനു തിരുനാള്‍ റാസ പള്ളിയില്‍ നിന്ന് ആരംഭിച്ച് ടൗണ്‍ ചുറ്റി തിരികെ പള്ളിയില്‍ എത്തിച്ചേരും.
മൂന്നിന് രാവിലെ എട്ടിന് ഡോ.ഫിലിപ്പോസ് മാര്‍ സ്‌തേഫാനോസിന്റെ കാര്‍മികത്വത്തില്‍ തിരുനാള്‍ കുര്‍ബ്ബാന നടക്കും.
ഇടവക ഭാരവാഹികളായ ഫാദര്‍ ജോണ്‍ സി പുത്തന്‍വീട്, ജോണ്‍ റ്റി ജോസഫ്, ബോബന്‍ കപ്ലാശ്ശേരില്‍ എന്നിവര്‍ നേതൃത്വം നല്‍കും.