കണ്ണൂര്‍: അടിയന്തര അറ്റകുറ്റപ്പണി നടക്കുന്നതിനാല്‍ കണ്ണൂര്‍-കോഴിക്കോട് ദേശീയപാതയില്‍ മാഹി പാലത്തില്‍ ഇന്ന് അര്‍ധരാത്രി മുതല്‍ ഗതാഗത നിയന്ത്രണം ഏര്‍പ്പെടുത്തും. 30 വരെ ചെറുവാഹനങ്ങള്‍ ഒഴികെയുള്ള വാഹനങ്ങളുടെ ഇതുവഴിയുള്ള ഗതാഗതം നിരോധിച്ചിട്ടുണ്ട്. 24 മണിക്കൂറും പ്രവൃത്തി നടത്താനാണു പാലത്തില്‍ ഗതാഗത നിയന്ത്രണം ഏര്‍പ്പെടുത്തുന്നത്.
ഇരുചക്ര വാഹനങ്ങള്‍, ആംബുലന്‍സ്, കാര്‍, ജീപ്പ്, ഓട്ടോറിക്ഷ എന്നിവയ്ക്കു പാലത്തിലൂടെ കടന്നുപോകാം. ഓര്‍ഡിനറി ബസുകള്‍ പാലത്തിന് ഇരുവശവുമായി ഓട്ടം അവസാനിപ്പിക്കണം. ദീര്‍ഘദൂര ബസുകള്‍ തലശ്ശേരി, മഞ്ഞോടി, ചൊക്ലി, മേക്കുന്ന്, മോന്താല്‍, കുഞ്ഞിപ്പള്ളി വഴി വടകരയ്ക്കും തിരിച്ചും യാത്ര നടത്തണം.